君頤峰
君頤峰（英文：Parc Palais）喺香港九龍京士柏衛理道18號，前身係1977年建成至1995年關閉嘅何文田英國陸軍醫院。喺2004年6月落成，屬於區內少有嘅大型豪華住宅，屋苑由富城物業管理有限公司管理。
君頤峰由新世界發展、信和集團、九龍倉集團、華人置業集團同萬泰集團共同發展，共有8座樓宇同700個住宅單位。單位面積由1,011至2,035平方呎，主要係3房（連主人套房）2廳同4房（2套房）2廳設計，另有少量係2房（連主人套房）2廳加多用途房。
屋苑住客會所面積有5萬呎，設施包括室內同室外泳池、閱讀室、撞球室、多用途球場、宴會廳、兒童遊樂場、遊戲室、健身室、桑拿室同網球場。