吳國才（英文：Charles Ng）係現任香港投資推廣署助理署長。佢係毛里裘斯華僑第三代，中國鄉下嚮客家梅縣。
吳國才嚮加拿大某大學市場學畢業，又讀過香港科技大學同西北大學凱洛格管理學院合辦嘅EMBA課程。吳國才識英文、法文、廣東話同埋客家話。曾先後做過駐毛里裘斯港資成衣企業、美國運通、渣打銀行。吳國才嚮2002年入香港投資推廣署打工。
2009年4月2號，吳國才因為私人送一箱紅酒畀上司賈沛年（Simon Galpin），而俾人停職審查[1]。
