哈利波特：神秘的魔法石 (電影)
《哈利波特：神秘的魔法石》（Harry Potter and the Philosopher's Stone）係一部2001年上映嘅英美合拍電影，場內容改編自J. K. 羅琳嘅1997年同名小說。呢套戲係由基斯·哥倫布導演，史提夫·克羅夫斯編劇，主演係丹尼爾·域卡夫、魯拔·格連特同愛瑪·屈臣，而其他演員就包括羅比·寇特蘭、李察·哈里斯等等。
| 哈利波特：神秘的魔法石 Harry Potter and the Philosopher's Stone | |
|---|---|
| 資料明細 | |
| 導演 | 克里斯·哥倫布 |
| 監製 | 大衛·海曼 |
| 編劇 | 史提夫·克羅夫斯 |
| 原著 | 《哈利波特：神秘的魔法石》 J·K·羅琳作品 |
| 主演 | 丹尼爾·域卡夫 魯拔·格連特 愛瑪·屈臣 大衛·布萊德利 約翰·克里斯 羅比·寇特蘭 華威克·戴維斯 李察·葛瑞菲斯 李察哈里斯 伊恩·哈特 莊赫特 艾倫烈卡文 瑪姬史密芙 茱利·華特絲 佐依·沃納梅克 詹姆斯和奧利弗·菲力普斯 |
| 配樂作曲 | 約翰·威廉士 |
| 攝影 | 約翰·西爾 |
| 剪輯 | 理查德·弗朗西斯-布鲁斯 |
| 製片商 | 盛日影業 1492影業 |
| 片長 | 152分鐘[1] |
| 產地 |  美國 英國 |
| 話 | 英語 |
| 上畫同發行 | |
| 上畫日期 | 2001年11月（美國） |
| 發行商 | 華納兄弟 |
| 預算 | 1.25億美元[2] |
| 票房 | 10.17億美元[2] |
在呢本小說創出不可思議嘅好成績之前，投資方代理華納兄弟好快就用相當低嘅價錢就買咗電影版權。呢套戲係喺利維斯登工作室製作，並喺2001年發行；第二至七集都陸續拍成電影。呢套戲創造咗全球$9.75億美元嘅票房，仲得到奧斯卡金像獎嘅三項提名。
為咗保存小說同電影嘅完整文化，羅琳堅持所有演員都必須係英國人。除了飾演西莫·非尼干嘅德文·莫雷，同埋飾演鄧不利多教授嘅李察·哈里斯係愛爾蘭演員之外，仲有就係飾演胡奇夫人嘅美國女演員素兒·華納梅克。
劇情簡介
編輯自細就父母雙亡嘅哈利·波特，佢一直同好討厭佢嘅麻瓜親戚—包括姨媽、姨丈同表弟（德思禮一家）住喺英國薩里郡嘅小惠因區，德思禮一家對待哈利一直都唔好。
喺哈利11歲生日果日，霍格華茲魔法與巫術學院派信俾哈利，但就俾姨媽同姨丈截住，佢哋設法唔俾哈利去霍格華茲返學。喺神秘陌生人魯霸·海格嘅幫助之下，哈利先至知道佢父母嘅真正死因，仲有佢自己嘅真正身份。海格帶哈利離開佢姨丈屋企，去到隱藏喺倫敦街頭嘅斜角巷買巫術學院要用嘅嘢，跟住就去到國王十字車站隱藏嘅9¾月台搭火車去霍格華茲。哈利喺火車上面識到純血巫師家族血統嘅榮恩·衛斯理同埋麻瓜血統嘅妙麗·格蘭傑。
所有一年級新生去到霍格華茲之後，都會由「分類帽」個別分派去四個學院：葛來分多、赫夫帕夫、雷文克勞同埋史萊哲林。由於史萊哲林以黑魔法巫師而出名，所以哈利說服分類帽唔好將佢派去史萊哲林學院。結果，哈利、榮恩同妙麗都派咗去葛來分多學院。之後哈利入埋葛來分多嘅魁地奇代表隊，仲做埋搜捕手。
有一日，哈利同榮恩·衛斯理同妙麗·格蘭傑喺唔畀學生入嘅地方發現咗一隻三頭巨犬，而三頭巨犬好似守護緊一啲嘢。之後佢哋三個知道嗰樣嘢係一嚿魔法石，佢哋再次返去三頭巨犬度，喺通過一連串嘅難關之後，哈利發現想攞到魔法石嘅係教黑魔法防禦術嘅奎若教授，而佛地魔就依附喺奎若個頭度。佛地魔想通過奎若攞到魔法石，但係唔成功，而奎若就化成沙塵死咗。之後鄧不利多校長同醒番嘅哈利講，嚿魔法石已經銷毀咗。
參考
編輯- ↑ "Harry Potter and the Philosopher's Stone". British Board of Film Classification. 喺2014-12-10搵到.
- ↑ 2.0 2.1 "Harry Potter and the Sorcerer's Stone (2001)". Box Office Mojo. 喺2007-05-29搵到.