妙麗·格蘭傑

妙麗·珍·格蘭傑英文Hermione Jean Granger),係英國奇幻小說《哈利波特》系列嘅其中一個主要角色。佢係主角哈利波特霍格華茲嘅同學兼老友。

由第一集《哈利波特:神秘的魔法石》到第八集《哈利波特:死神的聖物2》,八套電影嘅妙麗都係由愛瑪·屈臣飾演。

角色簡介

妙麗嘅阿爸阿媽係麻瓜牙醫

喺第一集度,妙麗入讀霍格華茲魔法學校嗰陣,分配咗去葛來分多學院度。之後妙麗喺洗手間畀山怪襲擊,哈利同榮恩·衛斯理救咗佢,之後佢哋三個做咗好朋友。之後佢哋又阻止咗佛地魔想攞到魔法石嘅陰謀。

喺第二集度,妙麗已經升到二年級。後尾妙麗被石化,但哈利同榮恩憑住妙麗手中嘅資料同湯姆·瑞斗嘅日記搵到消失的密室。

喺第三集度,妙麗係三年級,佢成功同哈利用時光器救番鷹馬「巴嘴」,然後騎住巴嘴救走即將被行刑嘅天狼星·布萊克,完成鄧不利多校長想佢做嘅事。

喺第四集度,妙麗係四年級,佢喺舞會做咗「三巫鬥法大賽」參賽者之一、嚟自另一間魔法學校嘅維克多·喀浪嘅舞伴。喺「三巫鬥法大賽」第二場比賽度,佢同榮恩被安排困喺水底等人救。

喺第五集度,由於新嚟嘅黑魔法防禦術教授桃樂絲·恩不里居教得唔好,喺妙麗提議下,「鄧不利多的軍隊」成立,教啲學生實用嘅黑魔法防禦術。當校方知道有學生偷偷地學呢啲嘢之後,就禁止學生成立未經批准嘅組織。

妙麗畢業之後嫁咗畀榮恩。[1]

參考

  1. "哈利波特20週年/妙麗為何嫁榮恩?JK羅琳一句話傻眼了". 2021-05-23.