哎你我個心肝歐古斯天

哎你我個心肝歐古斯天，奧地利維也納民歌，稱得上童謠，德文歌，約一八〇〇年前後發行，然而來源不明。同好多民謠一樣，曲詞隨時各有來源，各有演變。現時講一六七九年麥士歐古斯天作依支歌，後人作故仔再加上去都唔定，甚至查無此人又唔定。不過支歌改詞成英文，變出幾首唔同歌，同歐古斯天無關。再流傳世界，有種種版本。

現時知道，支曲至早一七八八年到翌年印刷發行，鋼琴譜，題為民歌六變奏，哎你我個心肝歐古斯天。一七九九年，曲又以喜愛歌調兩支發行鋼琴譜。而詞又另有來源，一八一五年奧地利，印喺類似兩張紙上，而內文有哦你心肝歐古斯天依幾隻字。詞曲相配，就初見於德累斯頓，相對於今日德國，題叫，呀你心肝歐古斯天，有時又寫呀我個心肝歐古斯天。發語字有幾種寫法。

後來另有講法，一六七九年，黑死病依個大瘟疫，終於去到維也納。有位樂師兼歌手，麥士歐古斯天，四處賣藝。有日佢飲醉酒，畀人放上木頭車，當瘟屍咁掉落埋坑。不過佢醉醒,，有返知覺，逃出生天，勝過黑死病。後世描繪孭住風笛。呢個講法現今都好流行，然而真實成疑，有無真人都成疑。

英文來講，早年玻莉放水煲上去，都用依支曲，今下就用另一支。玻利有時亦叫摩莉，又叫珍妮咁。支曲亦叫摩莉放水煲上去、珍妮放水煲上去。一七九四年，已有摩莉放水煲上去。一七九〇年到一八一〇年間，兩間出版社出咗珍妮放水煲上去，又叫珍妮啲銅錢。

英文流行，皆因一八三〇年左近，出咗支歌叫買掃把。英國美國唱到好流行。好似招人買掃把又自嘆。

之後有演變出另一支，有無曾經見過少女，出自一書。一九〇九年，美國出咗本叫遊樂場、屋企、學校、體育館用遊戲，可見歸唱遊一類。唱支歌又要跳舞。由於少女一字，咗蘇格蘭慣用字，斷估用蘇格蘭有關，又或蘇格蘭裔有關。書話畀細細蚊玩，十人到六十人，操場、體育館內。首先會部圍圈拍手，淨低一人企中間，住部人唱依首歌。圈人唱少女，中間人唱少男。頭兩行歌唔使做，後兩行歌，中間人開始做動作，圈人就跟住做。

之後又有另一支，愈多我哋喺埋一齊，實情英國慈善團體會歌，叫吹泡古隊，對細蚊，一九二四年到一九三一年舉辦。一九二六年，出咗依支歌。副歌部份借用奧地利曲，可詞同今日愈多我哋喺埋一齊，其餘唱白。會歌咁樣，唱白、副歌、唱白、副歌咁編排。第一次唱白講明副歌即散會歌，閂門之前，拖住手一齊唱。第二次唱白，有難時就開心唱副歌，迎難而上，一生值得過。

依支歌特別流行，或者跟住童軍運動散到世界各地。有好多翻譯版本。如中文書面語版本，譒為當我們同在一起。其他文大同小異，好似馬來文咁。

支曲荷蘭又有自己用法，用來慶祝聖力高拉斯日。西曆十二月五六日，習俗會送禮物畀細路。而細路會唱歌，統稱聖力高拉斯歌，有歌早到十六世紀，之不過好多都近世先有。而大概一九二幾年，借咗支曲做節歌，叫有人敲門。

戰後香港教育署，出本小學生歌集，出咗支歌叫老鄰人。

各地

德文至早見Ei du Mein Lieber Augustin，Ei為發語字，艾音，以表驚訝，嚇一跳。du你，Mein我個。Lieber意思愛，放喺人名前，廣東話好少咁用愛喺人名前，較近為心肝。Augustin男人名，音歐古斯天，意思大。拉丁文本意，增咁意思。

後又有寫O du Lieber Augustin。O為發語字，俄音。

又有Ei, Du Lieber Augustin。Ei有時用Ach唱。Ach發語字，呃音，以示關注或後悔。Du有時用Mein唱。

英文Polly Puts the Kettle On。頭字女人名，可換成Molly、Jenny。Polly為女人名，Molly親名，實情兩者又Mary親名。Molly底下曾泛指女人。Jenny為Jane親名。Jane喺美國舊俗泛指女人。故此有Molly Puts the Kettle On、有Jenny Puts the Kettle On。歌名又名Jenny's Baubee。Baubee，又寫Bawbee，蘇格蘭銀仔，美國曾指銅錢。

英文Buy a Bloom。Bloom掃把咁解。Did You Ever See a Lassie。Lassie為少女，遊戲中間嗰人要唱Laddie，即少男。又有歌The More We Get Together。

馬來文Bila kita berkumpul。

荷蘭文Daar wordt aan de deur geklopt。