哥哥 (歌)
《哥哥》係2010年北京衛視春晚主題曲，由常石磊演唱、作曲，王平久作詞。
| 哥哥 | |
|---|---|
| 常石磊嘅單曲 | |
| 發行日期 | 2009年12月3號 |
| 類 | 華語流行曲 |
| 時長 | 5:03 |
| 填詞 | 王平久 |
| 作曲 | 常石磊 |
簡介
編輯作詞嘅王平久話《哥哥》呢隻歌嘅靈感係嚟自佢同佢阿哥嘅感情故事。喺王平久眼內，阿哥係佢一把遮，幫到佢遮風擋雨。喺奧運病好之後，佢諗返以前佢阿哥對自己嘅一點一滴。有日，王平久用咗10分鐘發咗140字嘅訊息畀佢阿哥「哥從小我一直問你，為什麼你是哥我是弟，哥你總是那樣嚴厲，為什麼愛我從不放棄……」，於是佢將呢段文字放入歌詞入面[1]。
而演唱嘅常石磊話佢雖然冇任何兄弟姐妹，好多嘢都係自己一個人嚟做，雖然有朋友幫手，但係都好羨慕有兄弟姐妹嘅人[2]。佢話想通過呢隻歌唱畀王平久，唱畀一直幫佢嘅成龍同陳其鋼。
而北京電視台春晚嘅兩位導演咁啱喺親情演唱會出現，佢哋聽完呢隻歌受到打動，仲話「可能每個人都有一個心中的哥哥，兄弟情是不拘於血緣關系的精神依靠和情感寄托」[1]，於是佢哋希望將親情納入2010春晚主題曲，結果呢隻歌成功做咗該年度嘅春晚主題曲。
活動
編輯喺《哥哥》發佈會上，仲為MV公開收集感動故事。呢隻歌喺發佈後網絡上有唔錯嘅反應，之後常石磊想透過音樂令大家多啲交流，所以佢發起咗「《哥哥》在身邊——50天100場親情音樂馬拉松公益行動」，喺呢50日去100個地方做義唱。佢亦收集咗100個親情故事，徵集咗100張親情相，用博客同微博記錄100場聚會所帶嚟嘅溫暖同感動[2]。
迴響
編輯佢憑住《哥哥》呼喚親情，引起社會大眾嘅廣泛共鳴，不斷傳遞親情[3]。
翻唱
編輯參考
編輯- ↑ 1.0 1.1 〈亲情歌曲《哥哥》首发或成北京电视台春晚主题〉。搜狐新聞。2009-12-03。喺2020-06-26搵到。
- ↑ 2.0 2.1 〈常石磊领跑"音乐马拉松" 用歌声温暖身边人〉。網易娛樂。2009-12-23。喺2020-06-26搵到。
- ↑ 〈常石磊50天100场亲情音乐马拉松 献唱心目影院〉。新浪娛樂。2009-12-28。喺2020-06-26搵到。
- ↑ 〈李玉刚《哥哥》飙高音 自曝初听该歌落泪〉。新浪娛樂。2010-01-14。喺2020-06-26搵到。
- ↑ 〈《歌手》张杰直言压力大 献唱《哥哥》呼唤手足情〉。新浪娛樂。2017-02-23。喺2020-06-26搵到。