因紐特人努那屹

因紐特人努那naa4屹（因紐特文：Inuit Nunangat，直譯 ｢因紐特人住嘅地方｣），官話譯因紐特人努南加特，係加拿大北部一大笪地方，因紐特人住開；因紐特人嘅定義包括哂呢笪地方嘅陸地、水體同冰，夾埋哂總共係加拿大地面總面積嘅大約三分一，海岸線總長度大約一半。

因紐特人努那屹地理位置嘅陸地部分（紅色部分）

喺現時嘅政治環境，因紐特人努那屹分咗做四橛，由西到東分別係因紐維阿路葉、努那活、努那域同努那兹阿活。

名

｢因紐特人努那屹｣ 嘅叫法喺2009年6月10號由在加因紐特人團結組織採納，取代原先用開、淨計地面嘅格陵蘭文叫法 ｢因紐特人努捺｣（格陵蘭文：Inuit Nunaat）；2022年4月21號獲加拿大聯邦政府承認因紐特人努那屹係一個地理範圍，但係政府嘅定義冇提冰，概念上其實並唔完全對應 ｢因紐特人努那屹｣。

｢因紐特人努捺｣ 除咗淨係指地之外，地域範圍亦都唔同；｢因紐特人努那屹｣ 淨係指加拿大北部因紐特人住嘅地方，但係 ｢因紐特人努捺｣ 包括埋格陵蘭同阿拉斯加。