坂井泉水(日文:坂井 泉水/さかい いずみ Sakai Izumi1967年2月6號2007年5月27號),係日本歌手、作詞人,出名搖滾樂團ZARD嘅主唱,原名蒲池幸子(日文:蒲池 幸子かまち さちこ Kamachi Sachiko)。2007年5月26號響返醫院途中由斜坡跌落,送院搶救後不治,終年40歲。

坂井泉水
坂井響1992年,拍一隻大碟個陣影嘅相
女歌手
原名蒲池幸子
出世(1967-02-06)1967年2月6號
日本 日本神奈川縣平塚市
2007年5月27號(2007-05-27)(40歲)
日本 日本東京都新宿區信濃町慶應義塾大學病院
死因腦挫裂傷
母校松蔭女子短期大學
活躍年代1989 - 1991(模特兒
1991 - 2007(歌手
唱片公司B-Gram RECORDS
經紀公司星塵傳播(1989年 - 1992年)
Ading(1992年 - 1998年)
SENSUI(1998年 - 2007年)
相關團體ZARD

坂井係日本九十年代嘅出名女歌手之一,響當時影響力唔細,同時幫過唔少日本漫畫唱歌,就好似龍珠名偵探柯南男兒當入樽中華一番等等。

經歷 編輯

早年 編輯

坂井1967年響神奈川縣平塚市出世,係屋企入面嘅大女,下有一個細妹同一個細佬。響同縣嘅秦野市大(小四過後搬去伊勢原市),先後入讀秦野市立西小學校、秦野市立西中學校、神奈川縣立伊志田高等學校[1]

坂井至細開始已經好鍾意音樂,曾經自爆話自己由四歲開始已經有學彈琴[1][2]

初中時期係校內田徑部成員,同時響結他部好活躍;高中時期就係硬式網球隊成員。響松蔭女子短期大學(即依家嘅松蔭大學)畢業之後,響新宿地區第一大公司「第一不動產」嘅總務部做OL[註 1]兩年[3][4]

模特兒時代 編輯

1988年,當時仲喺第一不動產做嘢嘅佢,畀日本出名藝人山前五十洋倉木麻衣個老豆)睇中,用真名出道,加入星塵傳播,做咗一個模特兒[5]。1989年1月,響電視劇「春燈」入面扮一個嚟自東北地區嘅女Sales,係佢第一次接job[6]

之後,佢幫過藝人拍MV,就好似Wink「One Night In Heaven 〜真夜中のエンジェル〜」[7]中森明菜「CARIBBEAN」[8]永井真理子「23才」[9][10]等等。同時之間佢一直推銷東映嘅伴唱機,更加為咗增加銷量而將自己啲相放上去週刊到。另外,佢同時仲做日本佳速航空同JAS CARGO嘅銷售女郎[11][註 2]

1990年,同岡本夏生齊齊做日清杯麵電單車隊嘅賽車女郎(性質同銷售女郎差唔多)[2]。同年2月7號響電視劇「渋谷・青春坂・ラブホテル」出現過[12]。同時,佢都拍過唔少寫真集,同埋幫過唔同雜誌影雜誌相[13][14]

歌手時代 編輯

內文:ZARD

1990年8月,響當時所屬事務所「星塵傳播」代表董事細野義朗嘅介紹下,坂井識咗Being嘅社長長戶大幸。後嚟坂井參加咗B.B.QUEENS合音甄選,雖然最後都係落選,但係長戶睇中佢嘅天賦,決定幫佢組樂隊「ZARD」,同時以「坂井泉水」呢個名出道,轉做歌手[2]。由於佢係樂隊女主唱,但當時響日本由女性做樂隊主唱係好少見嘅事,開創咗日本後嚟以女仔為樂隊主唱嘅形式[15]

1991年2月10號,發行第一張細碟「Good-bye My Loneliness」[16]。1992年轉投Being旗下嘅事務所Ading[17]。1993年,樂隊「ZARD」四位男成員先後退出,樂隊淨返坂井一個[18],所以「ZARD」做咗佢嘅代名詞。每當啲人提起「ZARD」,就知道係指緊坂井[2]

1993年-1999年:巔峰時代 編輯

1993年1月27號,發表第六張細碟《別認輸》。其中入面嘅歌詞好有意思,同時撞啱當時日本正值泡沫經濟爆冇耐,並且入咗「冇咗嘅十年」時代,而首歌完全應嗮題,畀到民眾一種支持,並引起好大共鳴,所以坂井憑住呢首歌開始出名,仲係ZARD銷量最好嘅細碟。呢首歌重做咗日本救援歌嘅經典[19][20]。2月5號,坂井攞首歌上完節目「Music Station」之後,就冇再上過其他綜藝節目[21]

5月19號,發表第八首細碟《搖擺的想念》,呢首都好出名,係ZARD銷量第二高嘅單曲,第一個禮拜已經攞到Oricon公信榜冠軍,而總銷量有成139.6萬。呢首同時都畀人攞去做寶礦力水特嘅廣告歌。坂井嘅知名度因而大升,逐漸走向生涯嘅巔峰[21][22]

坂井嘅身材好好,膚色偏白,加上唱歌又唔差,吸引咗好多男Fans。但係坂井並冇因為人氣持績好高企而增加曝光率,反而減少公開出嚟嘅次數。有人估佢係因為身體唔好先至咁做,同時有人質疑呢個係為咗保住Fans嘅戰略[2][23]

1994年,佢承接住《搖擺的想念》出第九首歌《Top Secret》[註 3],銷量都超過二百萬。之後,佢分別出過唔少好紅嘅歌,就好似1996年1月嘅《MY FRIEND》(男兒當入樽第四代片尾曲)[24]、1997年1月嘅《Don't you see!》(龍珠GT第二代片尾曲)、1997年8月嘅《永遠》同1998年9月嘅《轉動命運之輪》(名偵探柯南電視版片頭曲)等等,做咗日本九十年代最具有代表性嘅女歌手之一。同時,ZARD仲係九十年代賣出最多CD嘅歌手,因此畀人叫做「真正嘅女王」[2][25]

2000年-2007年:身體轉差 編輯

踏入千禧年代,坂井嘅身體開始出問題,先係子宮肌瘤,之後又有卵巢囊腫子宮內膜異位症等,一度通宵留院,就連原先畀人睇好佢會出場嘅NHK紅白歌合戰,最後以身體問題為理由唔出席。由於病情唔見好返,所以佢響2001年開始暫時停止做嘢,直到2003年先至復出[26][27]

2004年,佢搞咗全國巡演『What a beautiful moment Tour』,呢次係佢唯一一次真人出現嘅巡演[註 4]。由於當時坂井睇落精神好好,啲歌迷仲以為佢冇嘢[28]

2006年4月,響拍完《點燃心火》MV版之後嗰日,佢突然之間身體唔舒服,檢查證實有子宮頸癌。同年6月響慶應義塾大學病院切咗子宮,之後留響醫院休養,一個月之後出院[26]

2007年4月,響身體檢查嗰陣發現癌細胞走到去個,所以又入院。響接受化學療法之後效果唔錯,坂井重諗住響秋季左右復出,同埋搞演唱會[27][28]

意外死 編輯

2007年5月26號,響散步返病房途中,突然由醫院一至二樓之間、高三米嘅斜坡跌落(聽講嗰度響前日曾經落過大雨,有人懷疑係因為地面濕滑而搞成咁[22]),瞓咗響停車場。有一個途人好快就發現咗佢,並且已經嗱嗱臨送去深切治療部急救,但係延至5月27號救唔返,終年四十歲,死因係「腦挫裂傷英文Cerebral contusion[29]。差人曾經懷疑過坂井係自殺死,但係後嚟發現佢響病床上留有新作嘅歌,而且生前冇自殺跡象,所以判定佢係意外死[27]。但仍然有唔少Fans到而家仲堅持話佢係自殺死[30]

5月28號,即係佢死咗之後一日,事務所公佈咗佢嘅死[30]。生前響娛樂圈同佢比較熟嘅人,包括成日幫坂井作曲嘅織田哲郎、成日同坂井合作嘅森進一同埋老友大黑摩季都先後公開話對佢嘅死表示哀悼,其中大黑仲話「可以嘅話,我願意代佢去死!」[16]

5月30號,屋企人響東京都町田市嘅齋壇搞白事,唔畀外人出席[22]。原先戒名係「澄響幸輝信女(日文:ちょうきょうこうきしんにょ)」,後嚟升一級,改做「麗唱院澄響幸輝大姉(日文:れいしょういんちょうきょうこうきだいし)」[17]

遺響 編輯

 
Fans送花以紀念坂井泉水

坂井嘅死震撼全日本。響東京同大阪嘅獻花台,有成一萬幾人登記送花。同時,響上年十月發行嘅『Golden Best ~15th Anniversary~』以第6名重新返翻Oricon大碟公信榜,重由300名以外一下子升到頭三,係Oricon史上第一次出現咁嘅現象[31]

2007年6月26號,響東京青山喪葬儀所搞追思會「ZARD/坂井泉水さんを偲ぶ会」,唔少生前同佢有關係嘅人都有出席,例如大黑摩季、織田哲郎、池森秀一森友嵐士淺岡雄也TUBE小松未步中村由利[19];而B'z松本孝弘同埋稻葉浩志)、倉木麻衣讀賣巨人隊終身名譽監督長嶋茂雄都出咗追悼評語[32]

6月27號,事務所開咗可以畀外人參加嘅音樂葬,人數有成四萬一百位左右,僅次於hide(約5萬人)、美空雲雀(約4萬2000人)、忌野清志郎(4萬3000人左右),同吉田茂(約4萬人)、尾崎豐(3萬7000人)葬禮嘅人數都好接近,係二戰後日本第四多人出席嘅葬禮。到最後,重有成三千五百人大合唱佢生前嘅代表作《別認輸》[33]

9月,分別響東京同大阪開紀念演唱會,好多Fans知道後就搶住買飛,響公開賣嗰日啲飛已經即日賣嗮[34]

11月29號,TBS電視台頒咗「第49回日本唱片大賞」嘅特別功勞獎畀坂井[35]。12月31號,第一次上NHK「第58回紅白歌合戰」(不過係以錄影帶出場),播咗三隻歌,分別係《別認輸》、《搖擺的想念》同《Glorious Mind[36]

近年有唔少節目做過統計,發覺佢重剩返一百五十首歌係未公佈;而根據事務所嘅講法,坂井係剩返一百五十五首歌未公佈、其中一百五十一首係已經填咗詞[37]

2019年響節目《Music Station》上面,製作組用荷里活最新嘅映像技術,將坂井嘅影像投射到台上面,令到佢可以同事務所嘅後輩倉木麻衣同台唱歌[38][39]

私生活 編輯

對於坂井少上鏡,坊間流傳咗四種講法:第一種講法係佢患有嚴重嘅對人恐懼症,搞到佢嘅CD封面多數係影側面,儘量唔會望向鏡頭,望鏡頭會令佢表情唔自然,而呢種講法已經得到ZARD前結他手町田文人證實[註 5][40];第二種講法指佢係專登嘅,係為咗保住高人氣而營造神秘感[23];第三種講法係指佢因為身體唔好先至少上鏡[2];而最後一個講法,就話出嚟嘅個位根本就唔係坂井本人,而係佢請啲模特兒返嚟扮係自己(呢種講法純粹係都市傳說[15]。而且町田文人響節目上仲透露,話坂井生前性格好澀、易怕醜;第一次上節目已經好鬼緊張,響節目完咗之後、同人講拜拜嗰陣重成個人虛脫,要ZARD其他成員一齊扶坂井返更衣室[41]

坂井生前嘅私生活非常低調[21],唯獨係同大黑摩季好老友呢件事就街知巷聞,聽講兩個人私底下仲會以「泉水醬」、「摩季醬」等等咁親暱嘅句子嚟稱呼對方[20]。對於當初呢段友情嘅曝光,事務所曾經鬧佢哋太過高調[42]

佢好少上綜藝節目同開演唱會,生前淨係開過一場演唱會、上過綜藝節目七次[40]

坂井原名叫「蒲池幸子」,而日本出名偶像派歌手松田聖子原名叫「蒲池法子」,兩個人真名差唔多、又係歌手,所以早期曾經有人懷疑佢地到底係咪一家人[15]。雖然後嚟坂井已經出嚟澄清,但依然有網民笑松田係坂井嘅「堂家姐」[21]

根據朋友嘅講法,坂井鍾意一啲好似男演員伊藤英明嘅男仔[5]。響高中一年級嗰陣,坂井曾經追過生得好似伊藤英明嘅學長,但點知畀對方拒絕咗佢嘅表白。周圍嘅人知道後都好驚訝[43]

坂井響一次上節目嗰陣曾經透露,自己鍾意響夜晚做嘢、日頭瞓覺,係一個「日夜顫倒」嘅人;重話如果自己如果日頭唔瞓覺,個腦會一片空白。另外,佢亦都自認自己係一個好易緊張嘅人[44]

音樂活動 編輯

內文:ZARD作品一覽

作曲 編輯

  • 無法坦白說出口》(素直に言えなくて):分別收錄響第二張細碟《不可思議呀...》同第二張大碟《不再探尋》;同時又係坂井第四十五張(兼且係最後一張)細碟
  • 《終有一天》(いつかは・・):收錄咗響第二張大碟《不再探尋》
  • 《眠り》:分別收錄響第十六張細碟《道別至今仍在這心中》(サヨナラは今もこの胸に居ます)同第七張大碟《TODAY IS ANOTHER DAY
  • 《給你的藍調》(君へのブルース):收錄咗響第四十二張細碟《點燃心火》(ハートに火をつけて)

作詞 編輯

坂井自身絕大部份嘅歌都係由自己作詞,除咗《你不在》(由栗林誠一郎作詞)、《戀女的憂鬱》同《讓我成為女人吧》(兩首都係由川島美香作詞);除此之外,佢仲有同唔少大歌手合作過,就好似鄧麗君森進一WANDS等等,而且風格都唔限於J-POP

響坂井咁多同人合作嘅歌當中,除咗《沒有盡止的夢想》、《再見青春的影子》同《海市蜃樓》之外,其他嘅佢都有自翻唱

幫其他人作詞 編輯

  • 鄧麗君:《與你共渡今生》(1993年;同時係日本Menard化妝品廣告歌)
  • ZYYG, REV, ZARD,WANDS featuring 長嶋茂雄:《沒有盡止的夢想》同《雨に濡れて》(同WANDS主唱上杉昇一齊作詞、1993年)
  • DEEN:《展開雙翼》(1993年)、《請不要轉移視線》(1994年)、《Teenage dream》(1995年)
  • FIELD OF VIEW:《因為有你在》、《突然》、《Last Good-bye》(1995年)、《DAN DAN 心漸漸被你吸引》(1996年)
  • Barbier:《Christmas Tree》(1995年)、《LOVE〜眠れずに君の横顔ずっと見ていた〜》(1996年)
  • WANDS:《Brand New Love》、《即使明天你變得支離破碎》(1998年)
  • 森進一:《再見青春的影子》、《海市蜃樓》(2004年)
  • SARD UNDERGROUND:《一點點 一點點》、《為今後的你乾杯》(2020年)[45][註 6]

合音 編輯

  • DEEN:《展開雙翼》(翼を広げて)【和音】
  • FIELD OF VIEW:《因為有你在》(君がいたから)【和音】
  • WANDS:《Brand New Love》【合音】
  • Barbier:《Christmas Tree》、《我想回到你的身邊》(あなたに帰りたい)、《LOVE〜眠れずに君の横顔ずっと見ていた〜》、《I still remember》【用嘉賓嘅身份去唱】

上節目 編輯

節目 電視台 日期 唱嘅歌
Music Station 朝日電視台 1992年8月7號 《擁抱不眠之夜》
Music Station 朝日電視台 1992年8月28號 《擁抱不眠之夜》
Sound Arena 富士電視台 1992年9月 《擁抱不眠之夜》
Music Station 朝日電視台 1992年9月18號 《擁抱不眠之夜》
MJ-Music Journal 富士電視台 1992年10月 《In My Arms Tonight》
Music Station 朝日電視台 1992年10月6號 《In My Arms Tonight》
Music Station 朝日電視台 1993年2月5號 《別認輸》 最後一次

編輯

  1. OL,係和製英文,改自英文嘅「Office Lady」,意思同中文嘅「女白領」差唔多
  2. 銷售女郎(暫譯),日文キャンペーンガール,係和製英文,英文係「campaign girl」。公司為咗增加商品嘅銷量,以前會請模特兒返嚟宣傳自己嘅產品,呢啲模特兒就叫做「銷售女郎」。而家「銷售女郎」唔再限於模特兒,只要係女藝人就做得,而家下啲公司都會請女演員多過請模特兒。
  3. 呢首歌並冇單獨發行,而係放咗落大碟《OH MY LOVE
  4. 響呢個巡演之前,佢曾經響遊輪上開過演唱會,剩係畀九百人入場。由於呢次演唱會唔係公開,所以冇計算在內
  5. 呢個情報係由ZARD前成員町田文人響2018年嘅節目「じっくり聞いタロウ〜スター近況(秘)報告〜」講過
  6. 坂井響死之後重有好多份歌詞係未公開嘅,SARD UNDERGOROUND係用返呢啲歌詞嚟出新歌

編輯

  1. 1.0 1.1 アートブック本の森 (2000). ZARD&坂井泉水プロファイリング. グループfuture. ISBN 4876935505.
  2. 2.0 2.1 2.2 2.3 2.4 2.5 2.6 宝泉薫 (2019-05-27). 逝から12年のZARD坂井泉水 テレサ・テンと交わった数奇な運命 dot.. AERA dot. (アエラドット) (日文). 喺2021-02-01搵到.{{cite web}}: CS1 maint: url-status (link)
  3. グループfuture (1999). ZARD&坂井泉水ストーリー. 飛天出版. ISBN 4894401487.
  4. ZARD坂井泉水の死の真相3「現場は病院内のスロープ意味することとは?. (日文). 原著喺2021-02-13歸檔. 喺2021-02-03搵到.
  5. 5.0 5.1 悼…ZARD井泉水の語られなかった40年 dot.. AERA dot. (アエラドット) (日文). 2015-05-27. 喺2021-02-17搵到.{{cite web}}: CS1 maint: url-status (link)
  6. youtube, 燈 蒲池幸子 (英文), 喺2021-02-17搵到
  7. One Night Heaven ~真夜中のエンジェル~ / WinkOfficial Music Video (英文), 喺2021-02-17搵到
  8. 森明菜 CARIBBEAN (カリビアン) ~夢~ (英文), 喺2021-02-17搵到
  9. 井真理子 23才 (英文), 喺2021-02-17搵到
  10. 師丸ひろ子をつないでいて 15thシングル, 1990年5月 (英文), 喺2021-02-17搵到
  11. 亜国内航空TDA/ 日本エアシステムJASャンペーンガール画像まとめ <歴代キャンギャル>. Middle Edgeドルエッジ. 喺2021-02-17搵到.
  12. Youtube, (英文), 喺2021-02-17搵到
  13. 田の有名古書店で常時20万円前後で取引される写真集とは. NEWSポストセブン (日文). 喺2021-02-01搵到.{{cite web}}: CS1 maint: url-status (link)
  14. ZARD坂井泉水さんを撮影した写真家 現場で感じた違和感を語る. (日文). 喺2021-02-01搵到.
  15. 15.0 15.1 15.2 中時新聞網. 樂8點半傳奇女神低調神秘卻迷倒萬千 一生僅公開亮相7次竟意外過世 - 娛樂. (中文). 喺2021-02-01搵到.
  16. 16.0 16.1 壇傳奇井泉水逝世12年 大黑摩季爆喊:我願意代她死 | 蘋果日報. Apple Daily 蘋果日報 (香港中文). 原著喺2021-02-17歸檔. 喺2021-02-05搵到.
  17. 17.0 17.1 シーエイチシー (2007). ZARD―思い出の坂井泉水. シーエイチシー. ISBN 978-4860972363.
  18. . on.cc東網 (香港中文). 喺2021-02-05搵到.{{cite web}}: CS1 maint: url-status (link)
  19. 19.0 19.1 ZARD/坂井泉水さんを偲ぶ会織田哲郎、大黒摩希ら | ORICON NEWS. web.archive.org. 2020-01-12. 歸檔時間2020-01-12. 喺2021-01-31搵到.{{cite web}}: CS1 maint: bot: original URL status unknown (link)
  20. 20.0 20.1 ARD坂井泉水氏特番で大黒摩季との関係明らかに - 音楽 : 日刊スポーツ. nikkansports.com (日文). 喺2021-01-31搵到.
  21. 21.0 21.1 21.2 21.3 娛樂星聞 (2020-05-27). 傳奇歌姬逝世13週年!僅公開表演7次…低調神祕迷眾人 | 娛樂星聞. star.setn.com (繁體中文). 喺2021-01-31搵到.
  22. 22.0 22.1 22.2 . web.archive.org. 2007-08-17. 歸檔時間2007-08-17. 喺2021-02-06搵到.{{cite web}}: CS1 maint: bot: original URL status unknown (link)
  23. 23.0 23.1 鹿島良雄 (2007-10-29). 隠れる女”たちの魅惑. 寶島社. ISBN 978-4-7966-5946-8.
  24. に残るZARDの名曲、1位はけないで. ORICON NEWS. 喺2021-02-01搵到.
  25. ZARD坂井泉水さん、不慮の事故で死去. ORICON NEWS. 喺2021-02-06搵到.
  26. 26.0 26.1 峯岸あゆみ. 故死した女性芸能人たち…ZARD、ハロプロ、そして泳げない実力派女優は海に転落した. ジネスジャーナル/Business Journal | ビジネスの本音に迫る. 喺2021-02-03搵到.
  27. 27.0 27.1 27.2 ZARD・坂井泉水の衝撃的な死 事故か自殺か、当時の警察も捜査. (日文). 喺2021-02-03搵到.
  28. 28.0 28.1 ZARD初で最後の全国ツアー映像を特別上映 / いま改めて感じる坂井泉水という人間の真価. ケットニュース24 (日文). 2020-06-29. 喺2021-02-03搵到.
  29. 井泉水@ZARD再發放正能量. on.cc東網 (香港中文). 喺2021-02-05搵到.
  30. 30.0 30.1 ZARD坂井泉水の死の真相1「自死説「事故説謎が飛び交った"発端". (日文). 原著喺2021-02-17歸檔. 喺2021-02-05搵到.
  31. ZARD最新ベストが300位圏外→週間3位に急浮上!. ORICON NEWS. 喺2021-02-06搵到.
  32. 嶋茂雄名誉監督、B'z、倉木らが、坂井さんに追悼コメント. ORICON NEWS. 喺2021-02-06搵到.
  33. 井さんを偲び、最後は3500人がけないで大合唱 ニュース-ORICON STYLE-. web.archive.org. 2007-09-30. 歸檔時間2007-09-30. 喺2021-02-07搵到.{{cite web}}: CS1 maint: bot: original URL status unknown (link)
  34. "ZARD 25th Anniversary Website". wezard.net (日文). 喺2021-02-07搵到.
  35. 49回日本レコード大賞(2007年)受賞一覧PRiVATE LiFEータベース. entamedata.web.fc2.com. 喺2021-02-07搵到.
  36. ARD坂井泉水さん特番発表 膨大なメモなど公開 - 音楽 : 日刊スポーツ. nikkansports.com (日文). 喺2021-02-07搵到.
  37. ZARD井泉水さん、未公開メモ掲載本刊行 07年死去"伝説の歌姫"が記した心の中. www.sponichi.co.jp. 喺2021-02-16搵到.{{cite web}}: CS1 maint: url-status (link)
  38. . on.cc東網 (香港中文). 喺2021-02-09搵到.{{cite web}}: CS1 maint: url-status (link)
  39. 到眼濕濕亮相Music Station 倉木麻衣ZARD隔空合唱 | 蘋果日報. Apple Daily 蘋果日報 (香港中文). 原著喺2021-02-17歸檔. 喺2021-02-09搵到.
  40. 40.0 40.1  . www.sponichi.co.jp. 喺2021-01-31搵到.{{cite web}}: CS1 maint: url-status (link)
  41. Corporation, 株式会社テレビ東京-TV TOKYO, くびれの女王”が衝撃告白!大物カメラマンとのセクハラまがいの格闘:じっくり...|テレ東プラス (日文), 喺2021-02-13搵到
  42. 神舘和典 (2017-06-11). 黒摩季が語るZARD・坂井泉水の悪魔のささやき dot.. AERA dot. (アエラドット) (日文). 喺2021-01-29搵到.{{cite web}}: CS1 maint: url-status (link)
  43. 悼…ZARD井泉水の語られなかった40年 dot.. AERA dot. (アエラドット) (日文). 2015-05-27. 喺2021-03-02搵到.{{cite web}}: CS1 maint: url-status (link)
  44. "1992.08.07 MS ZARD - YouTube". www.youtube.com. 喺2021-02-17搵到.
  45. ザテレビジョン. ZARD・坂井泉水の未公開詞と青山剛昌によるイラストから探偵コナンャケットが完成! | 芸能ニュースならザテレビジョン. (日文). 喺2021-02-11搵到.{{cite web}}: CS1 maint: url-status (link)