大學會堂
大學會堂（Academic Community Hall，簡稱AC Hall，以前叫大專會堂）係個香港嘅會堂，響香港九龍塘窩打老道香港浸會大學善衡校園裏面，近住九龍塘站。
有唔少享譽國際同香港唔同類別嘅藝術表演團體或人士響大學會堂演出過，表演項目包括流行音樂會、古典樂曲、舞台劇、電視特備節目同電影首映禮咁。
史
編輯大學會堂前稱大專會堂。1960年代尾，香港浸會大學前身香港浸會書院嘅第一任校長林子豐博士，提出起一個會堂，用嚟舉行各類學校典禮。1970年，佢捐出50萬港元用嚟起會堂，由香港建築師甘銘（Eric Cumine）負責呢單建築工程。1971年，林子豐博士響開工之前逝世，校方為表揚佢嘅貢獻，決定擴大禮堂嘅規模，起林子豐博士紀念大樓。校方希望該會堂落成之後，能夠成為大學同鄰近社區嘅文化中心同聯繫。
大專會堂響1978年5月啟用，成為當時缺乏藝術表演場地嘅香港之中，其中一個主要嘅藝術表演場地。1994年，香港浸會學院改名為香港浸會大學，大專會堂亦都改名做大學會堂至今。
建築
編輯大學會堂由正門去入口嘅闊梯級，係會堂嘅獨特標記。大學會堂內有演奏廳、大堂、小食店、貴賓房同幾個展覽場地等設施。演奏廳一共有1,346個紅色嘅座位，鋪埋木地板。