大窩口

大窩口（Tai Wo Hau）係香港荃灣東面一個地方。西面係葵涌，行政上歸葵青區，另包括國瑞路附近，屬於荃灣區嘅幾條鄉村。個位置大概係響大窩口道呢個山谷一帶，大窩口邨起好之後，亦都指埋邨同邨周圍。

大窩口邨

陳任盛嗰四個仔未喺牛牯墩起三棟屋之前，響大窩口附近圍海做田，重響響大清乾隆廿二年，即係1575年，響今日大窩口道，大窩口邨富民樓左近起咗第一間草屋，呢處舊時就叫老屋場。

1961年大窩口邨起成，開始有搬入去住。條邨由山腳起到上出，而大窩口道亦都同期起好，方便邨民上落。

大窩口嘅交通主要由多條巴士小巴路線以及港鐵大窩口站提供服務。不過由於大窩口站位置相對偏遠，而唔少附近居民會喺荃灣站搭地鐵，以致大窩口站成為荃葵青甚至成條荃灣綫最少人用嘅車站。