大麻

大麻
瀕危指標
最唔使理（Least Concern） (LC)
物種分類
界 植物界 Plantae 門 被子植物門 Magnoliophyta 綱 真雙子葉植物 Eudicots 目 薔薇類植物 Rosids 科 大麻科 Cannabaceae 屬 大麻屬 Cannabis 種 大麻 C. sativa
二元學名
Cannabis sativa

大麻（粵拼：daai6 maa4；學名：Cannabis sativa）係大麻科大麻屬嘅薔薇類草本植物，非常之粗生。呢種植物嘅原產地喺黃河流域，喺公元元年之前，就經過中亞地區甚至傳到歐洲同世界嘅邊個地方都有，喺國外重可以嗌漢麻（hon3 maa4）嘅名。大麻係中國入面最古老嘅其中一個栽培植物。

分佈

呢樖嘢主要喺亞洲嘅吉爾吉斯、阿富汗，中國嘅部分地區、印度同尼泊爾，重有歐洲嘅匈牙利、波蘭、保加利亞等地都見到佢。喺中國入面主要分佈喺安徽、河南、河北、山西、山東、黑龍江、內蒙古、陝西、四川等呢啲地方。

形態

佢嘅莖基係圓形，中間、梢係方形。佢嘅花屬單性，而且雌花同埋雄花都唔一樣嘅。雄花好似個圓錐形，雌花就好似個波或短嘅禾苗噉。喺結果嗰陣重生啲瘦嘅果出嚟，好似有棱嘅鵝春噉，粒核係深綠色。而且雄株又幼又長，纖維比較多，質量比較好重早熟添。雄株係嗌成「牡麻」，雌株係嗌成「子麻」。

藥用

雖然話大麻有鎮靜同興奮功能，性味甘平，重可以醫腸燥同埋便秘呢兩樣比較好，重可以降低血壓都得，但係長期用好容易上癮。因為佢有迷幻效果，甚至可以影響人嘅精神同埋生理。喺醫學嗰邊係成日用嚟搞止痛劑，重有喺精神科疾病同醫療癌症都有好明顯嘅研究作用。

毒品

大部份國家吸食大麻都係犯法嘅，但喺荷蘭同美國嘅科羅拉多州同華盛頓州，如果係因為醫療用途就可以喺法律範圍合法吸食大麻。

飲食

有啲地方興用藥性強嘅部分整嘢食，例如蛋糕；唔止要嚟令人興奮，亦有調味作用。大麻嘅種子並無上述毒性或藥性，係常見嘢飲火麻仁嘅原料。