天河南站

天河南站（粵拼：tin1 ho4 naam4 zaam6；英文：Tianhenan Station / Tianhe South Station）係APM嘅車站，規劃時期嗌過天河南一路站（tin1 ho4 naam4 jat1 lou6 zaam6；Tianhe Road S1. Station），喺天河區天河南一路嘅天環廣場西南邊；斜對面冇幾遠就係天河南步行街。呢個站重係喺成個廣州地鐵入面，唯一一個係站廳同站台之間，唔整扶手電梯嘅地鐵站。而喺呢度坐車嘅乘客係要靠四台𨋢先至可以出入口，重有呢個站嘅月臺好細兼好窄，出入口凈得去天河南一路附近。

天河南 TIANHENAN
天河南站嘅站名
概覽
冧巴	APM07
位置	天河區天河南一路（天宏廣場西南邊；天河南步行街斜對面）
座標	23°07′52.68″N 113°19′27.84″E
車站色
經過路線	APM
啟站	2010年11月8號
月台數	1
站口數	1
營運資訊
車站服務時間	06:58～23:42
列車服務時間	07:03～23:37
珠江新城旅客自動輸送系統 廣州塔　◄黃埔大道 （470m） （530m）體育中心南►　林和西

結構

樓層

呢個站一共有4層樓嘅地下區域，其中地下1樓係站廳，有票務設施同客務中心、警務室；地下2樓同地下3樓係車站設備區同埋樓梯緩衝層；而地下4樓係APM嘅月台。同大多數嘅APM車站一樣，冇休息室響度。雖然站廳有廁所，但唔對外。

打掂

地下 一樓	站廳	站廳、賣票機、客服中心、廁所
地下 二樓	設備區	車站設備、站廳-月台樓梯緩衝層
地下 三樓	設備區	車站設備、站廳-月台樓梯緩衝層
地下 四樓	1月台	←APM列車去體育中心南站（行林和西嗰邊）
	分離島式月台，開左邊門
	2月台	APM列車去黃埔大道站（行廣州塔嗰邊）→

打橫

天河南站嘅樓層全景分佈

站廳（喺2015年1月3號影）

月台（去林和西嗰邊，喺2015年1月3號影。）

站廳

呢個站嘅站廳喺天河區天河南一路嘅天宏廣場西南邊地底。喺免費區入面有售票機同客服中心，而收費區喺站廳嘅南間，而站廳同月台之間冇扶手電梯響度，凈係得4部䢂同月台接埋一齊。雖然話樓梯係可以同地下嘅月台接埋一齊，但凈係喺緊急情況（例如列車故障、隧道或月台發生火燭、乘客需要急救嗰陣）先至可以用。佢重係成個廣州地鐵車站入面，唯一一個站廳冇扶手電梯同樓梯接埋一齊嘅車站。加上呢個站嘅站廳同月台又細又窄，好明顯就唔符合中華人民共和國辦頒發嘅《地鐵設計規範》。不過廣州地鐵公司就話：「因為APM唔係地鐵系統，所以唔使遵守呢項規範。」

月台

呢個站有1個島式月台，喺天宏廣場西南邊嘅地底，但係睇落去好似個分離島式月台噉。因為大部份嘅站台空間俾站廳劃咗入去設備用房嗰度。

天河南站嘅站廳

天河南站嘅月台（行廣州塔嗰邊）

商舖同自助服務

呢個站同大部份APM嘅車站一樣，冇商舖；但有1台民生銀行自動櫃員機響度，就喺收費區入面嘅警務室隔籬。

出入口

天河南站嘅A出入口，佢係呢個站嘅唯一一個出入口。喺天宏廣場西南邊嗰度。

呢個站凈得A唯一嘅出入口，同體育西路站唔相通，要去體育西路站嘅乘客一定要出站再行入天河城入面嘅地鐵搭車。

冧巴	標記	去到邊度
出入口A	天河南一路	天河南一路、天河路、廣州供電局、體育中心巴士站、BRT體育中心站
註： 有盲人引導徑 | 有斜道 | 有輪椅升降台

頭尾班車信息同配線圖

配線圖
█ APM ▲體育中心南站
▼黃埔大道站

行去邊頭	頭班車	尾班車
每日
APM
林和西站	07:08	23:37
廣州塔站	07:03	23:32
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

建設史

喺2003年規劃緊嘅地鐵方案入面就出現咗APM嘅樣，嗰時嘅體育中心南站就係而家呢個位。而工程喺2006年6月30號開始施工，而工程一直去到2009年底先至搞掂。到咗2010年11月8號，APM通車之後就開咗呢個站。

出入口

呢個站開通無耐凈開咗A呢個出入口，初期位置喺天河南一路嘅天河城東南角附近。直到2016年底，通去天環廣場嘅出入口正式開放，但地面嘅獨立出入口數量冇變到。

利用狀況

由於呢個站隔籬就係1號綫同3號綫嘅車站，所以平時呢個站得好少人坐車，每日大部分時間幾乎都冇幾個人嚟呢個站坐車嘅。但係APM凈係行天河北同珠江新城中軸線嗰帶，啲人寧願揀體育西路站都唔揀呢個站去坐地鐵，除非係節假日都有啲人流吓，所以呢個站凈係得好少人去坐車。

不過喺出入口嗰度有掛咗嚿牌話呢度唔去體育西路站，費事俾乘客將呢個站嘅出入口同體育西路站搞亂。

上一站·下一站

上一站⇚⇚　　　　廣州地鐵　　　　⇛⇛下一站
黃埔大道站 廣州塔站←	天河南站 APM	體育中心南站 →林和西站