開主選單

廣州塔站粵拼gwong2 zau1 taap3 zaam6英文Canton Tower Station),之前嗌過赤崗塔站cek3 gong1 taap3 zaam6Chigang Pagoda Station),係3號綫同埋APM嘅轉車站,位置喺海珠區濱江東路同埋閱江西路南邊嘅地底,因附近有廣州塔而改成噉嘅名。但兩邊嘅月台開放時間都唔一樣,其中3號綫喺2005年12月26號開放,而APM喺2010年11月8號開放。

廣州塔
Canton Tower
Guangzhou Metro L3 Canton Tower Station.JPG
廣州塔站(3號綫)嘅站名
概覽
冧巴 309 APM01
位置 海珠區濱江東路同閱江西路南邊嘅地底
座標 23°6′21.6″N 113°19′25″E / 23.106000°N 113.32361°E / 23.106000; 113.32361座標: 23°6′21.6″N 113°19′25″E / 23.106000°N 113.32361°E / 23.106000; 113.32361
車站色 APM    
3號綫        
經過路線 3 APM
啟站 3號綫:2005年12月26號
APM:2010年11月8號
月台 2
站口數 3
營運資訊
車站服務時間 06:12~23:44
列車服務時間 06:04~23:49
珠江新城旅客自動輸送系統
(630m)海心沙► 林和西
廣州地鐵3號綫
天河客運站 ◄珠江新城 (1.6km) (1.1km)客村► 番禺廣場

佢係廣州地鐵第一個為咗觀光而需要起嘅地鐵站,重可以通到去廣州塔嘅觀光隧道出入口。喺2010年11月12~27號間,由於廣州辦亞運會,期間列車唔停呢個站。

目錄

結構

樓層

呢個站一共有3層樓嘅地下區域,其中地下1樓係站廳,有票務設施,客務中心同商鋪;地下2樓係APM嘅月台同3號綫嘅站廳收費區;地下3樓係APM嘅月台。同大多數嘅3號綫APM車站一樣,冇休息室廁所響度。

打掂

地下
一樓
3號綫站廳
緩衝層
商鋪、轉車通道
APM站廳 售票機、客服中心、車站警務室、前往廣州塔出口
地下
二樓
3號綫站廳 售票機、客服中心、商鋪
3月台 APM列車去海心沙站(行林和西嗰邊)
島式月台,開左邊門
4月台 APM終點落客月臺→
地下
三樓
2月台 3號綫列車去珠江新城站(行天河客運站 / 機場北嗰邊)
島式月台,開左邊門
1月台 3號綫列車去客村站(行番禺廣場嗰邊)

打橫

 
廣州塔站嘅APM綫站廳全景
 
廣州塔站嘅APM綫站台,喺2014年8月27號影。
 
廣州塔站嘅3號綫站廳,喺2014年8月27號影。
 
廣州塔站嘅3號綫站台

站廳

呢個站有2個站廳,其中APM綫喺地下一樓、3號綫喺地下二樓。同動物園站一樣,3號綫嘅地下一樓係出入口去到站廳嘅緩衝層。其中緩衝層係俾個站廳嘅中庭隔開咗。而地下一樓嘅緩衝層同APM綫站廳嘅聯絡通道就喺車站嘅南北兩邊。而站廳入面啲柱方面,其中3號綫係圓角四棱柱;APM綫係圓柱。

呢個站有好多部專用𨋢扶手電梯同埋樓梯去到每個站廳同月台之間,雖然話3號綫嘅專用𨋢可以喺月臺度直接去到緩衝層,但係緩衝層係唔收錢嘅,如估乘客要用專用𨋢,一定要向工作人員講清楚先至可以用。

月台

呢個站嘅3號綫同APM綫都係島式月台,喺藝苑路同閱江西路嘅交界東南邊(廣州塔嘅地面廣場西邊)嘅地底。其中APM綫喺地下二樓,3號綫喺地下三樓。

APM綫嘅月台全景(落客月台,喺2014年7月21號影。)
3號綫嘅月台全景(去番禺廣場嗰邊,喺2014年7月21號影。)

商鋪同自助服務

車站商店
自助服務

出入口

呢個站一共有4個出入口,分別係A同B,廣州塔一組。其中廣州塔嗰組有兩個,而且同地鐵站互通。

冧巴 標記 方位 去到邊度
3號綫站廳
出入口A 藝苑路
藝苑路、閱江西路
出入口B     藝苑路
西南偏西
藝苑路、藝洲路、赤崗塔、廣州市海珠區國家稅務局、廣州廣播電視台、廣州塔西公交站
APM站廳
出入口 廣州塔
西
(可以去到廣州塔嘅賣飛區)
註:  有盲人引導徑 |   有輪椅升降臺

車站歷史

 
2013年12月28號之前嘅站名

呢個站嘅3號綫喺2005年12月26號開通,而APM綫喺2010年嘅廣州亞運會期間唔停呢個站,一直到2010年11月28號嘅亞運閉咗幕之後嘅第二日先至開通。

改名

爾個站2005年12號26號開通嗰陣,離個站比較遠嘅地方有地標性建築明代古塔——赤崗塔,所以叫「赤崗塔站」。後來廣州塔起好變成附近新地標。2013年12月28號個站改名做而今嘅「廣州塔站」。

報站語言

呢個站喺舊時嗌「赤崗塔站」嗰陣,月台廣播試過長時間凈係得普通話英文就冇粵語廣播,直到2013年12月28號個站改咗名嗌「廣州塔站」嗰陣先至加咗粵語廣播上去。

利用狀況

廣州塔站係廣州地鐵入面嘅其中一個比較出名嘅車站。呢個站附近冇幾遠就係啲住宅區,重有喺濱江東或赤崗嗰帶住嘅居民都會兜過客村站嘅理由,坐巴士嚟呢個站度坐車。廣州塔嘅地標性建築就喺呢個站附近,所以呢個站嘅人流都係轉車啲人同住喺呢度嘅居民、遊客。喺上落班高峰期,重有好多3號綫嘅南邊路綫嘅乘客喺呢個站轉APM綫去珠江新城嗰頭。平時啲客流都一般下;但一到咗節假日,好多遊客喺呢個站落車跟住去廣州塔或轉呢兩條綫,所以客流量都好多下。尤其係附近有大型活動嗰陣(例如大除夕嘅倒數儀式),客流重多個天河區入面嘅地鐵站成幾倍都有。講得巴閉啲,甚至搞客流控制都有。

轉車須知

呢個站嘅轉車方面,APM同地鐵3號綫之間係唔可以直接行站廳入面嘅樓層或坐䢂嚟轉車。而係必須要喺呢個站出咗站之後,行過去夾層嗰邊再重新畀錢入去先至得。

附近嘅建築同景區

車站附近景區:左邊張相係廣州塔,右邊張相係赤崗塔。

旅遊景區

電視台

住宅

領事館

上一站·下一站

上一站⇚⇚    廣州地鐵    ⇛⇛下一站
終點 廣州塔站
APM
海心沙站
林和西站
珠江新城站
天河客運站
廣州塔站
3號綫
客村站
番禺廣場站
特別提醒:3號綫APM之間係唔可以直接轉車。