開主選單

珠江新城旅客自動輸送系統

珠江新城旅客自動輸送系統,全名叫廣州市珠江新城核心區市政交通專案旅客自動輸送系統,原名叫珠江新城集運系統英文Zhujiang New Town Automated People Mover System),簡稱係APM綫,係廣州地鐵營運緊嘅路綫,代表色係天藍色。呢條綫係廣州第一條膠輪路軌系統綫路。

珠江新城旅客自動輸送系統
概覽
營運地區 中華人民共和國廣州
服務類 城市軌道交通
線路長 3.94km
車站總數 9
軌道標準 2,032mm混凝土軌道
列車偏組 2節編組CX-100列車
營運資訊
營運時期 2010年11月8號~而家
營運單位 廣州市地鐵集團有限公司
乘客量 34,000 (2015統計)[1]

歷史

建設歷程

  • 2006年6月30號,珠江新城旅客自動輸送系統喺林和西站工地正式開工。
  • 2007年7月16號,廣州地鐵同龐巴迪簽訂系統供應合同。龐巴迪將會向廣州地鐵提供14曱CX-100列車、CITYFLO 650列車控制系統同埋18個專用分叉路。
  • 2008年1月1號,天河南站體育中心南站區間嘅左綫盾構機到達體育中心南站,標誌著林和西~天河南區間雙綫貫通。
  • 2008年6月8號淩晨,黃埔大道站到天河南站區間左綫盾構機成功下穿1號綫到達天河南站,標誌著黃埔大道~天河南區間雙綫貫通。而右綫已經喺2007年9月貫通。
  • 2009年4月19號,廣州塔到大劇院區間嘅右綫盾構機到達大劇院站南邊嘅吊出井。
  • 2009年4月28號,施工緊嘅地下停車場基坑東邊出現地陷,陷落面積大概有10平方米。
  • 2010年3月20號,第一部APM列車入駐赤崗塔停車場。

運營

  • 2010年11月8號14點,APM綫(林和西~歌劇院段)開通。(營運時間:8:00~20:00)
  • 2010年11月,隨著廣州亞運會嘅結束,APM綫嘅赤崗塔站正式開通。
  • 2011年2月19號,APM綫延長運營時間1個鐘(運營時間:8:00~21:00)。
  • 2011年2月24號,海心沙站開放。同日服務時間再延長個半鐘(運營時間:8:00~22:30)。
  • 2011年4月20號,最後兩曱車運到赤崗塔停車場,APM綫一期嘅14曱列車到齊嗮。
  • 2011年11月8號起,APM綫晚黑延長半個鐘收車(運營時間:8:00~23:00)
  • 2013年8月,歌劇院站A、B出口啟用。
  • 2013年12月28號,APM綫原歌劇院站同赤崗塔站分別改名為大劇院站同廣州塔站。
  • 2014年10月4號起,APM綫服務提早一個鐘開始,延長半個鐘收車(運營時間:7:00~23:30)。
  • 2016年2月初,APM綫開始試行微信二維碼刷卡進閘。隨後呢種支付方式推廣到咗成個綫網入邊。
  • 2016年8月18號,APM綫開始試行銀聯雲閃付刷卡進閘。隨後呢種支付方式推廣到咗成個綫網入邊。

路線

綫路從海珠區廣州塔站去到天河區林和西站,全長3.94公里,總共設置9座車站,最大站間距693.5m,最小站間距315.5m。綫路設置1座地下車輛維修中心(包括埋控制中心)。

車站

綫路由北往南設置車站如下:林和西站體育中心南站天河南站黃埔大道站婦兒中心站花城大道站大劇院站海心沙站廣州塔站

  • 全部車站都喺地下。

換乘站

APM綫換乘其他綫路,都需要出閘,調轉過嚟亦係噉。

計費方式

本綫獨立計費,收費區同地鐵系統唔連通。由地鐵系統轉APM綫嘅乘客,需要先出閘兼買咗APM車飛先至入到閘坐APM,調轉嚟亦係噉。單程車票價格2元,可以搭乘任意區間;車票淨係喺入閘時使用,單程票會直接回收。

客流量

根據APM綫嘅客流預測,近期APM綫配屬7列14部列車,上綫5列10部列車,高峰開行13對/小時,間隔約277s,高峰小時單向運力為3588人次。 根據地鐵公司畀出嘅數據,由2010年11月8號到2014年7月,APM綫日平均客流凈係得29034人次,冇之前預測嘅50000人次咁多。[2]

用車

APM綫係無人駕駛自動導軌系統,根據綫路定位同客流預測,使用龐巴迪Innovia APM 100型列車,車長12751mm,寬2845mm,定員為座位16人、站位122人(按6人/㎡),AW3狀態載客量係179人。列車係全動車,可以單獨運行,亦可以連掛成多節編組運行。列車喺初期兩節連掛運行,同時綫路預留咗遠期三節連掛運行嘅條件同站台空間。

依家APM綫擁有7列共14部列車。根據客流預測,遠期綫路運力將會達到25對/小時,同時編組加到三節,需要配屬11列共33部列車,而入邊嘅9列會上綫運營。不過增購列車亦好麻煩,一個係因為CX-100型列車已經換代停產,另外一個係因為列車造價過高,一部CX-100型列車喺當時就要345萬美元,相比之下1輛A型地鐵列車淨係需要174萬美元。

未來發展

2014年8月上旬,廣州市規劃局喺「四館一園」建築設計競賽發佈會上講,APM綫會繼續南延,經過廣州塔南邊嘅嶺南廣場,不過具體方案未定。之後幾年,陸續有消息指,APM綫可能重會延長到瀝滘,途中設站同地鐵1219811號綫換乘。[3][3]不過由於南中軸開發時間未定,呢個設想冇列入到廣州地鐵嘅遠期規劃。

  1. "元旦假期地铁总运客2113万人次". 廣州市地鐵集團有限公司. 2015-01-04. 喺2015-01-04搵到. 
  2. "APM线吃不饱,南延客村好不好". 广州日报. 2014-08-20. (原先內容喺2014-08-20歸檔). 喺2014-08-26搵到. 
  3. 3.0 3.1 广州市规划部门:APM线或将南延并与客村站换乘 广州本地宝 喺2014-08-21搵到