太陽報 (香港)
香港中文報紙
《太陽報》係香港東方報業集團旗下繁體中文報紙之一。佢嘅市場定位係幫《東方日報》對付同行競爭對手《蘋果日報》。
香港《太陽報》係1998年3月開始籌備工作，1999年3月18號創刊，當日頭版新聞係「打擊盜版大遊行」。創刊前已經喺電視出廣告，以「太陽一出、黑白分明」做宣傳口號，而且由嗰日起「太陽網」每日清晨都會更新新聞網頁。
創刊初期，《太陽報》加入減價戰，以港幣兩至三蚊不等嘅價錢（創刊賣2蚊、其後調至3蚊，再喺創刊半年後改賣2蚊）並以多條獨家新聞，搶佔市場佔有率。當時，《太陽報》發行量係全香港第三。
2016年3月29號，東方報業集團董事會宣佈，鑑於香港營商環境轉差，由2016年4月1號起，暫停出版旗下有17年歷史嘅《太陽報》，電子版同埋網站亦會同日停止運作，但唔排除日後經濟同營商環境改善後復刊[1][2][3]。
參見
編輯外部連結
編輯註釋
編輯- ↑ 〈暫停出版《太陽報》〉 (PDF)。
- ↑ 〈on.cc東網 東方報業集團 – 新聞〉。
- ↑ 〈《太陽報》本周五起暫停出版〉。香港電台。2016年3月29號。（繁體中文）