太陽花學運

太陽花學運，又叫318學運，係2014年台灣爆發嘅一場學運，事源2014年3月18號晚6點，台北一班民眾因為反對國民黨控制嘅立法院唔去審查清楚就通過同中共簽《兩岸服務貿易協議》，佢哋當中有400幾個學生衝入立法院佔領議事廳靜坐抗議，之後陸陸續續有超過萬名群眾聚集喺立法院外聲援。因為開頭有人向佔領者送一扎太陽花表示撐佢哋，所以呢場社會運動就用太陽花做代表。佔領喺同年4月10號完咗。