維基百科

女性車廂

女性車廂（粵拼：neoi5 sing3 ce1 soeng1），係火車或地下鐵入面，專門為女仔而開設嘅車廂。

喺廣州地鐵1號綫，從2017年6月28號開始搞咗女性車廂制度。
喺深圳地鐵1號綫，從2017年6月26號開始搞咗女性車廂制度。

而家喺全球各地凈得日本、印度、伊朗、埃及、巴西、印尼、馬來西亞同阿聯酋、臺灣、菲律賓馬尼拉、南韓首爾、釜山、俄羅斯莫斯科搞咗呢啲制度。 目的係防止車廂入面出現鹹豬手。

細分 編輯

女性車廂可以細分做女士優先車廂同女士專用車廂兩種：

  • 女士優先車廂——畀女性優先權去用，又會用勸導方式叫男性盡量唔好用，但唔會嚴格阻止男性入去。
  • 女士專用車廂——專畀女性用，男性一定唔入得，如果入咗去就會畀人罰。

各國情況 編輯

  日本 編輯

 
日本京王電鐵嘅女性車廂

日本喺1912年1月31號最先搞女性車廂，但實施無耐因反對聲比較大而停咗[1]。雖然隨後輾轉到關西地方搞，但得好少成效而喺1937年廢除[2][3][4]。但1947年5月因為解決車廂入面出現鹹豬手、賣淫等一系列性犯罪行為而重新恢復[5]，雖然1973年8月15號到1980年代尾冇用過呢種車廂，但1980年代尾因為性暴力犯罪頻發而重新引入[6]。

雖然日本當地法律有規定凡係男仔誤入女性車廂嘅，嗰位男仔要罰錢，但實際操作係靠自覺同工作人員勸導為主。

  印度 編輯

 
印度當地嘅火車個女性車廂警示標語。車廂頂寫住啲字嘅粵語翻譯係「唔畀男仔入去」噉解。

喺印度，由於人口太多及引起一系列性騷擾、全裸、性侵犯等一系列性侵犯行為[7]，國內有規定凡係長途嘅火車都有女性車廂。尤其喺孟買，冚唪唥城鄉及市區啲地鐵同火車嘅每個車廂間隔都係嘅女性車廂[註 1]；喺德里嘅地鐵（印地文：दिल्ली मेट्रो रेल）亦有提供凈畀女仔上車嘅列車[8]。

國內任何形式嘅地鐵同火車都有保安睇住有冇男仔誤入女性車廂，若果有男仔誤入女性車廂，保安會第一時間夾硬捉男仔落車同罰250文印度盧比[9]。

  印尼 編輯

 
2011年11月，一部喺耶加達地區開出嘅女性專用列車。

喺耶加達，從2010年8月開始喺市區公眾場合（包括巴士同地鐵）猛咁收到同性騷擾有關嘅案例，喺2012年10月1號整咗部紫紅到粉紅色調之間嘅女性專用列車畀女仔上車[10]。但直到2013年5月為止，因為收到個案話嗰啲女性列車喺高峰時段，出現有男仔踏入女性列車及高峰時段未完全體現到「女性專用」效果而停用[11]。

喺德波亦出現過女性專用列車嚟防止車廂內出現鹹豬手行為[12]。

  馬來西亞 編輯

馬來西亞曾經爆發過好多單公共場合嘅性騷擾個案。從2010年開始，馬來西亞鐵路部門開始引入以粉紅色調為主，專畀女性用嘅列車或車廂[13]。

  埃及 編輯

喺開羅地鐵（阿拉伯文：مترو أنفاق القاهرة），由於爆發咗好多單男仔侵犯女仔嘅鹹豬手同性侵犯嘅個案，地鐵部門喺1989年開始劃出女性車廂範圍[註 2][14]。

  臺灣 編輯

 
臺鐵松山車站嘅女性車廂警告標語

喺臺灣，從2006年6月1號開始實施女性車廂制度，但實施後3個月內因成日出現男女撈埋入車廂，加上冇相關罰則而停用[15][16]。直到2010年5月底，因為屏東縣爆出咗第一單性侵犯個案而宣佈從同年月30號開始，喺高峰時段，通勤列車第一節車廂重新恢復返女性車廂制度[17]。

  韓國 編輯

 
釜山地鐵入面嘅女性車廂提示

喺南韓，首爾喺1992年試過喺地鐵1號綫同國鐵搞女性車廂制度[18]，但無耐因為太多男仔上女性車廂而停用。雖然喺2007年由議會提出重新開返女性專用車廂嘅建議，但好快被打回頭[19]，直到2011年9月喺2號綫重新用返呢個制度[20]。釜山從2016年6月22號開始，每日上落班高峰時段[註 3]喺地鐵1號綫（韓文：부산 도시철도 1호선）搞女性車廂試點[21][22]，到同年9月19號為止，因為地鐵方話有好多市民讚成用女性車廂而正式喺成個釜山地鐵推廣呢個制度[23]。

  巴西 編輯

 
里約熱內盧地鐵嘅女性車廂提示標語

2006年4月，喺里約熱內盧實施咗一系列針對女性權益嘅法案，喺地鐵（葡萄牙文：Metrô do Rio de Janeiro）高峰客流時段[註 4]，都會有地鐵安保睇住有冇男仔誤入女性車廂或女性等車區範圍[24]。

喺聖保羅地鐵，曾經喺1995年10月到1997年9月實施過女性車廂制度，但有好多結咗婚啲夫婦話呢項制度有性別歧視而取消咗[25]。

  伊朗 編輯

 
喺德黑蘭地鐵，冚唪唥路線嘅最後一架同倒數第二架車廂之間同第二、三架車廂之間都有棟半高式門隔開女性車廂同普通車廂啲人。

喺德黑蘭地鐵（波斯文：متروی تهران），從1999年開始營運1號綫（波斯文：خط ۱ متروی تهران）之後，冚唪唥路線都整咗女性車廂制度[26][27]。位置喺列車第一、二同最後一架車廂。

  阿拉伯聯合酋長國 編輯

喺杜拜地鐵，當地為咗打擊車廂內鹹豬手問題，從2013年9月開始將列車嘅半數車廂加咗女性車廂制度，限喺高峰時段用[註 5]，2015年2月25號開始將女性車廂擴大到每隔車廂間隔範圍[29]。

  英國 編輯

英國曾經喺1874年10月嘅維多利亞女王時代搞過女性車廂制度直到1977年3月廢除為止[30]。雖然1999年有提議搞返女性車廂制度，2014年9月亦提出過同樣理由[31]，但一直冇下文。

  俄羅斯 編輯

喺俄羅斯，凡係長途火車每車廂間隔都有女性車廂制度。目的係嚴打色狼同變態佬，鹹豬手。喺莫斯科，地鐵從2006年8月開始，學以前倫敦同印度啲地鐵噉將部分車廂整咗粉紅裝飾嚟做女性車廂[32]。

  菲律賓 編輯

喺馬尼拉輕軌，當地正式考慮到全國有5%人口信回教同加強女性保護措施[33]而喺2002年開始將列車頭兩節車廂整成女性車廂[34][35]。

  德國 編輯

2016年大除夕，由於德國爆出大面積性侵犯個案，同年3月21號，政府喺其一火車架試驗線搞咗條女性車廂[36]。

  中國 編輯

雖然中國鐵路部門從2006年2月7號開始喺Z5/6次、Z21/22次京滬直達特快列車3號軟臥車廂嘅兩個床鋪包厢整成女仔專用，但一個禮拜後因為太少人用而取消咗[37][38][39]。雖然2015年3月，北京同上海喺京廣/京深、滬廣/滬深嘅床鋪動車搞女賓專用包房，但呢啲飛冇得喺線上賣，凈得通過傳統賣飛嘅方式先至有[40]。

地鐵方面，由於部分有地鐵啲城市出過好幾單變態佬、麻甩佬偷拍女仔裙底同鹹豬手行為，喺廣東，深圳地鐵喺2017年6月初提出搞女性車廂制度[41]，同年月26號喺1、3、4、5號綫正式搞試點[42]。廣州地鐵喺2017年6月23號正式決定從同年月28號開始，每個禮拜一到五上落班高峰期喺1號綫搞女性車廂試點[43]，重喺2017年12月28號開通嘅13號綫開搞女性車廂制度[44]。

喺深圳，地鐵實施咗女士優先車廂制度半個月之後，發現有好多男乘客誤入女性車廂嘅情況。同年7月28號，廣州地鐵實施咗女性車廂一個月後，女性車廂範圍喺平時得好少男乘客響度。而高峰期亦有時出現一堆趕時間啲男乘客誤入女性車廂情況。

註同攷 編輯

註
  1. ↑ 印度孟買當地嘅地鐵或火車，女性車廂之間每隔開兩間隔都係女性24個鐘專用車廂，另外每隔開兩間隔都係高峰時段嘅女性車廂。
  2. ↑ 喺開羅地鐵，凡係第四到第五架車廂凈畀女仔用。尤其喺第五架車廂，凈限頭班車開出之後到21:00（UTC+2）為止做女性車廂。
  3. ↑ 釜山地鐵嘅上落班高峰時段分別喺每日07:00～09:00及18:00～20:00（UTC+9）呢兩個時段。
  4. ↑ 里約熱內盧地鐵嘅高峰客流時段分別喺禮拜一到五06:00～09:00（UTC-3）及17:00～20:00（UTC-3）。
  5. ↑ 杜拜地鐵嘅高峰客流時段係07:00～09:00及17:00～20:00（UTC+3）[28]。
攷
  1. ↑ 新聞集成明治編年史編纂会 編 (1940). 《新聞集成明治編年史》.第十四卷 (第第三版版). 林泉社. pp. 521, 523頁. Template:近代デジタルライブラリー.
    東京朝日新聞 1912年1月28日、2月1日、7月19日に記事掲載。7月時点では続いていた模様。
  2. ↑ 神戸女学院八十年史編集委員会 編 (1955). 《神戸女学院八十年史》. 神戸女学院八十年史編集委員会. p. 264. NCID BN09924911.
  3. ↑ 『神戸女学院の125年』編集委員会 編 (2000). 《神戸女学院の125年》. 神戸女学院. NCID BA48198487.
  4. ↑ 奥田英夫 (2011). 《阪急電車僕らの青春》. 神戸新聞総合出版センター. p. 54. ISBN 978-4-343-00620-2.
  5. ↑ 〈鉄道博物館 収蔵資料紹介〉. 鉄道博物館. 原著喺2009-02-04歸檔. 喺2007-12-30搵到.
  6. ↑ 〈人権問題特集 女性専用車両を考える〉. 《ヒューパワー》. 大阪市人権協会. 2003. 原著喺2005-02-10歸檔. 喺2008-02-11搵到.
  7. ↑ Eve-Teasing The Official Dictionary of Unofficial English, by Grant Barrett. Published by McGraw-Hill Professional, 2006. ISBN 0-07-145804-2. Page 109.
  8. ↑ McCarthy, Julie (28 March 2013). "On India's Trains, Seeking Safety In The Women's Compartment". NPR. 喺26 March 2014搵到.
  9. ↑ "Men caught in 'women only' train carriage forced to do sit-ups". The Telegraph. 2010-11-28.
  10. ↑ First Operation of Women-Only Train in Indonesia
  11. ↑ "Marieclaire.co.uk". 原著喺2016年4月8號歸檔. 喺2017年6月24號搵到.
  12. ↑ Idea for women-only 'pink carriages' on trains to protect them from 'thugs and perverts' is ridiculed by feminists DailyMail (2016-04-05)
  13. ↑ "Women only buses aim to halt sex harassment", MSNBC, 12/2/2010.
  14. ↑ "Cairo Journal; For Women Only: A Train Car Safe From Men". The New York Times. January 15, 1990.
  15. ↑ 台鐵女性車廂 傾向取消 互聯網檔案館嘅歸檔，歸檔日期2010年7月22號，. - Liberty Times（2006年8月3日）
  16. ↑ 女性専用車両が不評…3か月で存続危機 - Yomiuri Shimbun, 2006年9月4日
  17. ↑ 女性專用電聯車廂上路 臺灣性別人權協會
  18. ↑ 서울지하철 ‘여성 전용칸’ 19년만에 부활 추진… 어떻게 생각하시나요 dongA.com （2011-07-20）
  19. ↑ 여성들도 갸우뚱하는 지하철 ‘여성 전용칸’ 중앙일보 （2011-07-22）
  20. ↑ 서울지하철 2호선 ‘여성 전용칸’ 추진 논란 서울신문 （2011-07-21）
  21. ↑ 釜山地下鉄　女性専用車両を試験運用へ＝韓国初 - 聯合ニュース　2016年6月16日
  22. ↑ 釜山地下鉄、女性配慮車両始めたものの… - 中央日報日本語版 2016年6月24日
  23. ↑ （韓文）도시철도 1호선 여성배려칸 본격 운영 - 釜山交通公社の報道資料 2016年9月20日
  24. ↑ "Homens não respeitam vagão exclusivo para mulheres no Metrô no primeiro dia em vigor". Gazeta do Povo (Portuguese). 2006-04-25. 喺2013-01-26搵到.{{cite news}}: CS1 maint: unrecognized language (link)
  25. ↑ "Só para mulheres". Isto é (Portuguese). 2008-08-06. 原著喺2016-03-03歸檔. 喺2013-01-26搵到.{{cite news}}: CS1 maint: unrecognized language (link)
  26. ↑ "خانه" (pdf). Tehran Metro (Persian) –透過Google.{{cite web}}: CS1 maint: unrecognized language (link)
  27. ↑ Template:Cite av media
  28. ↑ The shame of walking into a women-only car by mistake INDEPENDENT (2015-08-26)
  29. ↑ More space on Dubai Metro for women, kids EMIRATES 24/7 (2015-02-24)
  30. ↑ The era of 'ladies only' train compartments BBC NEWS (2015-08-26)
  31. ↑ Women-only train carriages could cut sex attacks, says transport minister Birmingham MAIL (2014-09-30)
  32. ↑ モスクワ便り：【Volume.11】女性専用タクシー（株式会社JSN、2007年3月）
    http://www.jsn.co.jp/russian/moscow/vol11.html
  33. ↑ Watanabe, Akiko (2007). "The Formation of Migrant Muslim Communities in Metro Manila". Kasarinlan: Philippine Journal of Third World Studies (English). University of the Philippines. 22 (2): 72. 喺2015-06-27搵到.{{cite journal}}: CS1 maint: unrecognized language (link)
  34. ↑ "Customer Service". Light Rail Transit Authority. 原著喺2015-07-05歸檔. 喺2015-06-27搵到.
  35. ↑ Crisostomo, Sheila (2002-11-28). "Women to get own coaches in LRT". Philstar. 喺2015-06-27搵到. {{cite web}}: Cite has empty unknown parameter: |coauthors= (help)
  36. ↑ German railway company introduces women-only carriages The Washington Post (2016-03-29)
  37. ↑ 〈京沪Z6次直达列车首次推出女性专用包厢〉. 黑龙江日报. 2006-02-09. 喺2015-03-29搵到.
  38. ↑ 〈至今还没开足一趟女性包间 少人问津，女宾软卧歇了〉. 北京娱乐信报. 2006-02-15. 喺2015-03-29搵到.
  39. ↑ 〈"女性包厢"分性别服务有生命力吗？〉. 新华每日电讯. 2006-02-18. 喺2015-03-29搵到.
  40. ↑ 〈一人可包下整间动卧包房，你会这样任性吗？〉. 重庆晨报. 2015-03-29. 原著喺2015-04-02歸檔. 喺2015-03-29搵到.
  41. ↑ 〈深圳地铁试行"女性优先"车厢：变相的"性别歧视"？〉. 《新京报》. 新华网. 2017-06-10.
  42. ↑ 〈深圳地铁今试行女士优先车厢〉. 《金羊网》. 2017-06-26. 原著喺2017-06-26歸檔. 喺2017-06-26搵到.
  43. ↑ 〈6月28日起，广州地铁一号线试点女性车厢〉. 《广州地铁》. 2017-06-23. 原著喺2018-03-17歸檔. 喺2017-06-26搵到.
  44. ↑ 〈十三号线将设女性车厢〉. 《大洋網》. 新浪. 2017-12-12.
由「https://zh-yue.wikipedia.org/w/index.php?title=女性車廂&oldid=1908191」收