嬰兒車

嬰兒車又叫BB車，係畀孲𤘅子坐嘅手推車，畀佢哋可以喺車入面坐、瞓、食嘢、換尿片，用來代替包括孭帶、搖籃、或者齋用雙手抱住，去街。

嬰兒車

1920年代嬰兒車

BB車有時係比較阻疔

喺嬰兒車未傳到東亞地區之時，歐美早喺19世紀就已經有類似嘅嘢。到1960年代時嘅嬰兒車，都仍然只不過係一個手推車上面擺個搖籃，純綷俾人將孲𤘅子帶出戶外，唔可以摺起收埋，所以用途唔係咁大。後來發展體積較細嘅嬰兒車，又再發展成為可以摺起，家下啲車好輕，使佢哋可以放入汽車嘅車尾箱、上巴士，以方便運送。不過，嬰兒車比孭帶貴，兼阻手阻腳，有啲設計唔好，會夾手。出街好多地方都唔准嬰兒車入，例如電車、有啲茶餐廳。如果個孲𤘅子坐唔慣嬰兒車，會喊，係要抱先唔喊，咁就知買咗就嘥錢。