季節 (電視劇)
《季節》（The Seasons）係香港無綫電視翡翠台處境劇集，一共有389集，每集15分鐘，1987年到1988年響《歡樂今宵》內首播。
《季節》係一套時裝家庭倫理劇，講吓由資深演員鄧碧雲主演嘅阿媽李淑德，響佢身處嘅一個大家庭裏面，點樣處理仔女間嘅爭鬥誤會。由於佢嘅處理睇法令家庭觀眾拜服，因此鄧碧雲響大眾心目中尊稱做「媽打」。
內容 編輯
故事講述媽打一家嘅家族恩怨。媽打原本係有錢女，嫁咗畀唐泰，生咗幾個仔女。唐泰就係涼茶舖「泰和堂」創辦人，成日安排大仔唐貴全打理。而二仔就俾媽打安排打理地產公司；媽打重叫埋細佬李永良幫忙。點知二仔同阿良無能，又好食懶做，地產公司生意唔好，成日都激親媽打。
二仔阿偉後尾識咗胡玉河，叫佢阿玉。點知未結婚就搞大咗阿玉個肚。媽打唯有安排結婚，但成日都鬧二仔無出息。
唐泰個妹阿珠返到嚟香港，住喺唐泰屋企。阿珠為人慳儉但講嘢刻薄。有一次佢唔見咗條頸鍊，話係阿玉偷，但原來係阿珠自己唔見。
唐泰重有一個細佬唐仁，之但係兩個人結咗怨。唐仁生活淒涼，好彩阿珠有錢放租畀唐仁開紙紮舖，生活先勉強過得去。
阿偉同阿良因為地產公司生意唔好爭人租三個幾月，為咗填嗰筆數，居然叫阿珠收番唐仁間舖。結果唐仁好激氣，最後媽打暗中買咗阿珠間舖平息事件，但因此揭露出唐仁同唐泰嘅恩怨……