學術出版

學術出版（粵拼：hok6 seot6 ceot1 baan2）係指出版當中學術性質嗰部份，即係例如出版一啲講學術研究或者科學實驗嘅文章噉。

一個人喺度做研究，一路得出咗好多結果同寫低咗好多內容。

學術文係指寫嚟講學術嘢嘅文章，包括寫嚟做綜述嘅文（指用篇文嚟總括有關某個課題嘅文獻）或者係報告一場實驗得到嘅結果嘅文呀噉。

寫作

睇埋：學術寫作

一般認為，一篇好嘅學術文會有以下呢啲特徵：

• 文獻綜述：要建基於打前嘅學術文獻；篇文嘅作者要將自己嗰啲論證建基於打前嗰啲文獻入面嘅諗頭（簡單例子：「打前嘅研究指出，A 同 B 呢兩個變數成噉嘅關係，而 B 同 C 呢兩個變數成噉嘅關係，所以我提出個假說主張 A 同 C 會成噉嘅關係」），好多時仲會諗吓打前嗰啲文獻有冇咩甩漏，同埋家陣呢篇文點樣補救到呢啲甩漏。
• 創新：同時又要或多或少噉提出一啲打前嗰啲學術文冇嘅諗頭。
• 清晰：篇文嘅每隻字都有明確嘅定義，唔會寫埋嗮啲含糊嘅字詞；每樣嘢嘅存在都有清楚嘅原因。
• 簡潔：唔會用埋嗮啲不必要嘅修辭，而且用嘅字量要有咁少得咁少，用最少嘅字數表達最多嘅意思。睇埋奧坎剃刀。
• 邏輯上連貫：每對相連嘅句子之間都有明確嘅啦掕（例如講一句定義咗個概念，下一句就俾啲例子嚟講解個概念），而且每段相連嘅段落之間都係有明確嘅啦掕（例如呢段講解咗手上嗰個理論，下一段就講吓啲人就呢個理論做咗咩研究）。
• 自我批評：會喺文尾講埋篇文入面嗰啲論述或者實驗結果有冇咩局限（例如係場實驗嘅結果未必能夠廣義化到去第啲情境嗰度）。
• 矛盾：會講吓篇文提出嘅諗頭有冇同文獻入面嘅某啲諗頭有矛盾，或者係講吓啲結果之間有冇矛盾。
• 避免用軼事證據。

... 等等。

睇埋

• 科學
• 科學方法
• 批判思考
• 同儕互評
• 圖書館學
• 圖書館學詞彙表