廣州地鐵4號綫粵拼gwong2 zau1 dei6 tit3 sei3 hou6 sin3 ,第個名係南沙綫naam4 saa1 sin3)/大學城綫daai6 hok6 sing4 sin3)/亞運綫aa3 wan6 sin3),係廣州第4條通車嘅地鐵綫路,綫路代表綠色

廣州地鐵4號綫
概覽
營運地區 中華人民共和國廣州
服務類 城市軌道交通
線路類 市域快綫
線路長 59.3km
- 營運長 43.65km
車站總數 16
軌道標準 1435mm
列車偏組 4卡編組L型列車
營運資訊
營運時期 2005年12月25號~而家
營運單位 廣州市地鐵集團有限公司
乘客量 443,000 (2015統計)[1]

佢亦係廣州第一條上天落地嘅地鐵綫。

歷史 編輯

規劃 編輯

1997年,喺嗰年嘅方案A入面,5號綫嘅支綫從琶洲分出,向北過江去到世界大觀。到咗2000年,呢條5號綫支綫被獨立成依家嘅4號綫,北邊延長至科學城,而南邊為咗配套小谷圍島上邊大學城嘅開發同照顧番禺撤市設區,而延長到新造鎮。綫路喺琶洲塔站[註 1]同舊時嘅2號綫轉乘。

2003年,喺年初嘅A、B兩份方案入邊,4號綫南邊都係沿住廣澳高速繼續行,喺規劃緊嘅廣州新城附近轉彎向東去到海鷗島。而嗰時嘅3號綫喺去到廣州新城之後沿住廣澳高速繼續向南去到南沙。但最後定出嘅方案係3號綫同4號綫嘅轉乘站——廣州新城站(而家係海傍站)嘅南、東兩邊路線調轉,改成3號綫入海鷗島,而4號綫確定向南插入南沙區,北段繼續向東插入蘿崗新區。

本嚟話4號綫北延段要對接蘿崗區(今日嘅黃埔區),去到水西為止,但喺2008年,蘿崗區揀咗6號綫二期入嚟,令4號綫北延段被延期。

2010年前後,廣州為咗對接增城,將北延段獨立成為21號綫兼向兩邊延長。之後4號綫就冇咗北延計劃。雖然天河區區長公開要求過將4號綫北延入智慧城,但後嚟都冇咗下文。

原先南延段規劃行黃山魯北面同東面嘅進港大道,同規劃緊嘅15號綫高度重合。到咗2011年,為咗配合南沙明珠灣區嘅開發,南延段改成沿住環市大道向南沙嘅舊鎮嗰邊行。

工程同營運 編輯

  • 2003年1月28號,2號綫調整工程琶洲塔站[註 2]正式開工。
  • 2004年8月13號,新造站主體結構封頂。
  • 2005年1月11號,大學城專綫小谷圍站(依家嘅大學城南站)封頂。
  • 2005年12月26號,4號綫大學城專綫(萬勝圍新造)、舊2號綫調整工程(琶洲萬勝圍)同埋3號綫首通段同時開始服務。
  • 2006年12月20號,4號綫(大學城專綫)暫停服務9日。
  • 2006年12月30號,4號綫恢復服務,同時從新造延長去到黃閣。而新造到黃閣部份成為廣州地鐵第一條高架綫。
  • 2007年5月8號,因為4號綫延長到金洲嘅關係,成條綫再一次暫停服務。
  • 2007年6月28號,4號綫恢復服務,綫路延長到金洲站,同時添加咗蕉門站
  • 2009年12月28號,5號綫通車運營,4號綫亦向北延長到車陂南換乘5號綫。
  • 2010年9月25號,4號綫北延段(車陂南黃村)、新2號綫同埋8號綫一齊開始營運。
  • 2013年10月30號,4號綫南延段工程俾廣東省發改委批准,可以正式開工。
  • 2014年4月22號,南延段最後一個車站南沙客運港開工。[2]
  • 2016年6月27號,廣州地鐵首個大盾構區間貫通。呢部盾構機直徑達11.67米,喺2015年10月18號始發,負責中間風井~南沙客運港區間嘅挖掘工作。[3]
  • 2016年6月28號,市地名辦發函批准4號綫南延段原金隆站改名為飛沙角站,原資訊園站改名為南橫站,其餘各站站名唔變。[4]
  • 2016年7月底,隨著南沙客運港站嘅封頂,南延段全綫車站均實現咗封頂。[5]
  • 2016年9月27號,隨著塘坑到南橫區間左綫嘅貫通,南延段實現咗全綫洞通。[6]
  • 2016年10月19號,南延段開始鋪軌。[7]
  • 2017年3月30號,南延段短軌鋪通。冇耐之後,綫路長軌貫通。
  • 2017年4月30號,南延段全綫送電成功。
  • 2017年7月28號,南延段正式搞掂三權移交。
  • 2017年10月11號,全綫開始搞營運時間表演練持續79日,期間金洲⇄南沙客運港路段暫時唔搭客營運。
  • 2017年12月28號朝早,從頭班車開始,路線亦開始延長到南沙客運港。由於飛沙角到南沙客運港部份係地底車站,所以又成為廣州地鐵第一條上天落地嘅路線。

綫路 編輯

 
4號綫圖示

廣州地鐵4號綫北起天河區黃村,穿過天河區、海珠區、番禺區同南沙區,南到南沙區南沙客運港,中間經過生物島、大學城、慶盛高鐵站同明珠灣等區域。綫路全長59.3km,設站24座,其中換乘站11座,平均站間2.58km。採用4輛L型列車。綫路設有一個車輛段,一個停車場。

走向 編輯

  • 4號綫已建成路段由天河東北邊嘅奧體中心開始,經過中山大道、車陂路同新滘東路,下穿萬畝果園、官洲島同小谷圍島,喺興業大道南面出地面後穿過田野,沿廣澳高速、市南大道同鳳凰大道行駛,喺區府門口轉向東止於雙山大道祁豐路口,全長43.65公里,擁有已運營車站16個、在建預留車站2個同埋一個車輛段。佢都係依家南沙區唯一嘅軌道交通綫路。
  • 4號綫南延段由金洲站後開始,兜去金隆路繼續向南行,過咗虎門高速之後轉去東南向,沿環市大道行進,轉行東北兜上海港大道,喺科技大道同港前大道交界嘅東邊設終點站。[8]全長12.6km,新增6個站,全部係地下站;新建一座停車場。

站點 編輯

呢條地鐵喺官橋到金洲嗰橛10站都係高架站,其它都喺地底。其中呢條線有16個站:

黃村、車陂、車陂南、萬勝圍、官洲、大學城北、大學城南、新造、石碁、海傍、低涌、東涌、慶盛、黃閣汽車城、黃閣、蕉門、金洲、飛沙角、廣隆、大涌、塘坑、南橫,南沙客運港。其中車陂南、萬勝圍,大學城南都係轉車站。

呢條地鐵路線除咗金洲、車陂、黃村、大學城北、新造同埋官洲呢6個站冇廁所之外,其它站點都有廁所。

轉車站 編輯

開通咗 編輯

車陂南:轉乘5號綫

呢個站喺起緊5號綫時順手起,屬T形節點轉車。兩綫嘅轉乘方式係既可以行出站廳轉,又可以喺月台範圍轉。若果揀月台範圍轉嘅必須要噉:

  • 45:必須要去到月台北邊條樓梯上去先至得。
  • 54:必須要去到月台中間條向下樓梯落去先至到。
萬勝圍:轉乘8號綫

呢個站喺起緊舊2號綫東延段時順手起,屬偏十字島側節點轉車。兩綫嘅轉乘方式:

  • 48:必須要喺月台北邊條樓梯上去先至得,因為南邊條樓梯通去尾站月台,唔畀上車。
  • 84:出車門之後唔好出閘,而係行月台中間條樓梯落去即到。
大學城南:轉乘7號綫

呢個站喺起緊4號綫首通段時預留咗十字轉車結構,屬十字島側節點轉車。兩綫嘅轉乘方式:

  • 47:出車門之後唔好出閘,而係行月台中間條樓梯落去即到。
  • 74:出車門之後直接行月台中間條樓梯上去即到。其中西南邊條樓梯去南沙客運港,東北邊條樓梯去黃村。
黃村:轉乘21號綫

呢個站喺起緊4號綫北延段時,冇預留到轉車條件,係平行站廳轉車。

規劃緊嘅 編輯

車輛段 編輯

各站首、末班車詳細 編輯

僅供參考:

站名 首班車往南沙客運港站 首班車往黃村站 末班車往南沙客運港站 末班車往黃村站
黃村站 6:00 23:15
車陂站 6:02 6:17 23:17 23:37
車陂南站 6:04 6:14 23:19 23:34
萬勝圍站 6:07 6:11 23:22 23:31
官洲站 6:11 6:07 23:26 23:27
大學城北站 6:13 6:05 23:28 23:25
大學城南站 6:16 6:02 23:31 23:22
新造站 6:15 6:00 23:34 23:19
官橋站(冇開通)
石碁站 6:16 6:20 23:43 23:10
海傍站 6:18 6:17 23:46 22:07
低涌站 6:21 6:14 23:49 23:04
東涌站 6:07 6:10 23:53 23:00
慶盛站 6:00 6:08 23:55 22:57
黃閣汽車城站 6:03 6:17 23:59 22:53
黃閣站 6:05 6:15 0:01 22:51
蕉門站 6:09 6:12 0:05 22:48
金洲站 6:12 6:10 0:08 22:45
飛沙角站 6:15 6:12 0:11 22:42
廣隆站 6:12 6:10 0:13 22:40
大湧站 6:14 6:08 0:16 22:38
塘坑站 6:16 6:05 0:18 22:35
南橫站 6:19 6:02 0:21 22:32
南沙客運港站 6:00 22:30

註同攷 編輯

  1. 呢度講嘅琶洲塔站係2005年12月26號開始營運嘅萬勝圍站,唔係有軌電車嘅琶洲塔站
  2. 呢度講嘅琶洲塔站係地鐵嗰個萬勝圍站,唔係有軌電車嗰座。
  1. 旦假期地铁总运客2113万人次. Guangzhou Metro Corporation. 2015-01-04. 原著喺2015-01-04歸檔. 喺4 January 2015搵到.
  2. . 原著喺2020年3月16號歸檔. 喺2016年10月16號搵到.
  3. 廣州地鐵首個大盾構區間貫通[失咗效嘅鏈]
  4. 4號綫南延段車站更名. 原著喺2020年3月16號歸檔. 喺2016年10月6號搵到.
  5. 4號綫南延段6座車站全部封頂[失咗效嘅鏈]
  6. 構區間左綫貫通. 原著喺2020年3月16號歸檔. 喺2016年10月6號搵到.
  7. 4號綫南延段開始鋪軌
  8. 广线. 原著喺2014年5月12號歸檔. 喺2014年3月22號搵到.