客西馬尼園

客西馬尼園（古希臘文：Γεθσημανι，羅馬拼音：Gethsēmani；希伯來文：גת שמנים‎，羅馬拼音：Gat Shmanim；亞拉姆文：גת שמנא‎，羅馬拼音：Gaṯ Šmānê；意思係｢榨油嘅地方｣），天主教譯革責瑪尼^[1]，係耶路撒冷嘅一個果園，根據《新約聖經》同基督教傳統，耶穌畀人釘十字架嘅前一晚，耶穌同佢嘅門徒喺最後嘅晚餐之後嚟到呢度禱告。根據《路加福音》第22章第43–44節記載，耶穌喺客西馬尼園極之憂傷，「汗珠如大血點滴落喺地上」。客西馬尼園亦係耶穌俾佢嘅門徒加略人猶大出賣嘅地方。此外，東正教傳統上認為，客西馬尼園喺使徒安葬耶穌嘅阿媽瑪利亞嘅地方。

客西馬尼園位於橄欖山下嘅汲淪谷，今日位於耶路撒冷市內。萬國教堂就位於客西馬尼園，614年被薩珊王朝摧毀，之後由十字軍重建，大概喺1219年再度被毀。喺橄欖山上係俄羅斯正教會嘅抹大拉馬利亞教堂，有拜占庭/俄羅斯風格嘅金色洋蔥形屋頂，係沙皇亞歷山大三世為紀念佢嘅媽媽而興建。

｢客西馬尼｣嘅名記載咗喺《馬太福音》26章36節同《馬可福音》14章32節，希臘文原文係 Γεθσημανι（Gethsēmani）^[2]，係亞拉姆文 גת שמנא（Gaṯ-Šmānê）譯音，意思係「榨油嘅地方」，而「油」係指橄欖油^[3]。可能係由於當時喺呢度種植咗好多橄欖樹。《馬可福音》14章32節冇寫名，只係寫咗「一個地方」，而《約翰福音》18章1節就只係寫咗「一個園子」。

參考

↑ 〈馬太福音〉26章36節（基督教和合本：〈太〉26:36、天主教思高本：〈瑪〉二十六36）.
↑ 個名最後嗰個字母係乜，唔同學者有唔同見解，可以參考希臘原文嘅〈馬可福音〉14章32節（SBL 希臘文新約：Κατά Μάρκον 14:32；可以睇埋：基督教和合本：〈可〉14:32、天主教思高本：〈谷〉十四32）.
↑ Metzger & Coogan (1993). Oxford Companion to the Bible, p. 253.

來源

書籍

Metzeger, Bruce M.; Coogan, Michael D., 編 (1993). The Oxford Companion to the Bible. Oxford, UK: 牛津大學出版社. ISBN 0-19-504645-5.

[Mt26-1] 〈馬太福音〉26章36節（基督教和合本：〈太〉26:36、天主教思高本：〈瑪〉二十六36）.

[2] 個名最後嗰個字母係乜，唔同學者有唔同見解，可以參考希臘原文嘅〈馬可福音〉14章32節（SBL 希臘文新約：Κατά Μάρκον 14:32；可以睇埋：基督教和合本：〈可〉14:32、天主教思高本：〈谷〉十四32）.

[oxford-3] Metzger & Coogan (1993). Oxford Companion to the Bible, p. 253.

[1]

[2]

[3]