宮澤喜一

日本政治人,內閣總理大臣

宮澤喜一(日文:みやざわ きいち,1919年10月8號2007年6月28號),日本政治人,曾經做過內閣總理大臣、經濟企畫廳長官、通商產業大臣、外務大臣、內閣官房長官、內閣副總理、大蔵大臣、郵政大臣、農林水產大臣、財務大臣、自由民主黨總務會長同總裁。因為響做完首相後再次出任大蔵大臣,所以又畀人叫做「平成高橋是清」。

宮澤喜一

經歷 編輯

佢1919年響東京府出世,籍貫廣島縣。老豆係前眾議院議員宮澤裕,阿公係前司法大臣小川平吉。而喜一嘅細佬宮澤弘都係政治人,曾經做過法務大臣。

宮澤喜一先後畢業於舊制武蔵高等學校(武蔵大學同武蔵高等學校中學校)同埋東京帝國大學(依家嘅東京大學)法學部政治科,1942年做咗大蔵省宮僚,之後曾經做過大平正芳津島壽一同埋池田勇人秘書。1953年當選參議院議員,正式做政治人,加入自民黨池田派。

1991年11月5號,海部俊樹宣佈唔撈,由宮澤喜一接任做首相,係日本最後一位官僚出身嘅首相。但係佢響壞賬處理問題上受到好大爭議,導致1993年社會黨提出內閣不信任案,點知同屬自民黨嘅小澤一郎,聯同羽田孜食碗底反碗面,竟然投下關鍵性嘅支持票,最後獲得通過,將宮澤喜一趕落台,由新黨代表細川護熙接任。因為宮澤係當時日本史上第一位同時兼任自民黨總裁嘅情況下而畀人趕落台,所以畀人改花名叫「自民黨嘅德川慶喜」。

1996年,宮澤東山再起,當選眾議院議員。1998年,時任首相小淵惠三唔識搞經濟問題,就搵咗之前做過大藏省、因而處理金融問題好叻嘅宮澤做大蔵大臣,所以又畀人叫做「平成嘅高橋是清」。2001年,宮澤調任財務大臣。

2003年宣佈退出政界,由侄仔宮澤洋平繼承佢嘅飯碗。退出後身體開始差,2005年響屋企跌低,入院。2007年6月28號因為老衰而死,終年87歲。

屋企 編輯

佢同老婆有一對仔女,大女啟子嫁畀前美國駐日大使羅思德,生咗兩個女宮澤艾瑪、宮澤沙羅;而大仔宮澤裕夫係一位建築家。