家務係屋企嘅事務，簡單如洗衫、晾衫、收衫、燙衫、褶衫、買餸、買米、洗菜、洗米、煲飯、煮餸、炒菜、開飯、洗碗碟、洗地、抹窗、照顧老人家、睇細路、送返學、接放學、睇學生手冊、檢查功課、修理門窗、換光管等。
家務係手板眼見工夫，好似人人都以為識做，講效率，其實都係易學難精，一時唔小心重會有家居意外、火燭都有份。例如洗廁所用漂白水加通渠水會搞出事[1]。
以前有話「男主外、女主內」；而家有話人人有責，「一家人吖嘛」，要分工合作。親子教育講法，小朋友要幫媽咪做家務，學習責任感。例如陪家長去街，要幫手拎嘢，咁先至有家教。
從事家務嘅職業又叫做家務助理、外籍傭工、本地傭工、媽姐、鐘點女傭、管家、服務式住戶房務員等，中國大陸北方嘅叫法係保姆。
