寶勒巷（Prat Avenue）係香港一條西東單向行車馬路，嚮九龍遊客區，由尖沙咀加拿分道同堪富利士道交界東行，又由漆咸道南嘅西邊，其士大廈同鐵路大廈之間出口，條路約180米長。
寶勒巷兩邊都係約20年以上嘅商業大廈，商戶多數係經營娛樂場所同食肆咁，以夜生活出名。當地嘅鋪頭名，嚮廿年前，成日出現嚮商業電台夜晚分類廣告時段，同山林道分類小廣告同類。其中內容包括卡拉OK、各式餐廳、港式芬蘭浴，廣告重註明顧客光顧可以休息到零晨4點。
