寶湖道

寶湖道（英文：Plover Cove Road）係香港大埔一條路，由寶鄉街開始，去到廣福邨東北面，接住跨過林村河嘅行人橋，大致同廣福道平行。

寶湖道跨過大埔河一段

寶湖道嘅「寶湖」係對船灣海英文名「Plover Cove」嘅雅譯。1960年代船灣海起船灣淡水湖，原址嘅船灣六鄉要搬到大埔墟嗰頭，叫六鄉新村，所以就將穿過新村嘅主要道路用「寶湖」命名。

寶湖道沿路主要係住宅，包括西面嘅寶湖花園同東面嘅廣福邨。大埔舊墟公立學校 (寶湖道)亦用咗「寶湖道」個名。