寶鄉街（英文：Po Heung Street）係香港嘅一條街，喺大埔市區入面。佢同廣福道一橫一直，係舊市區嘅大街。北面駁住寶鄉橋，過林村河去新市鎮同大埔舊墟。南面去到港鐵東鐵綫嘅火車軌下。
寶鄉街北起寶鄉橋，直去駁安祥路，橫駁大埔太和路。由北而下，東有寶湖道，西有普益街。跟住橫過廣福道，再落東有寶鄉坊，西有懷仁街、南盛街同懷義街，再落東有鄉事會街，到尾東駁寶鄉里，火車軌邊。
沿往比較顯眼嘅樓，有近寶鄉橋嘅六鄉學習園地同大埔黃少清診所，同近火車路嘅大埔鄉事委員會寫字樓同埋大埔社區中心。
