寶鄉橋

寶鄉橋（英文Po Heung Bridge）係香港一橋，喺大埔市區林村河上，呈南北向。條橋主要行車，兩邊可以行人。寶鄉橋駁埋林村河兩岸，一邊駁住大埔墟寶鄉街，另一邊駁住大埔舊墟大埔太和路同安祥路交界。由於佢喺正大埔新市鎮中心，所以絕大部份巴士小巴，都經寶鄉橋穿梳兩岸。橋上面，北行有巴士站同小巴站，而南行有小巴站。

林村河西望寶鄉橋，近端係林村河南岸

地理

寶鄉橋個位，原本係大埔，靠近林村河口，後尾填海，水道拉長，所以兩岸，都係新填地。橫過林村河兩岸，橋下林村河水道，係人工，直筆甩。水道兩邊有行人路。橋南岸係大埔墟，橋北岸係大埔舊墟，同埋對出新填地嘅大埔中心一帶。橋南端東面係大埔黃少清診所，西面係六鄉學習園地，即係舊時六鄉公立學校。北端東北係大埔文娛中心，西北係大埔舊墟公立學校。

史

寶鄉橋係香港政府起大埔新市鎮後起嘅，接替廣福橋做過河行車橋，而廣福橋重建做行人橋。

構造

寶鄉橋有八支橋墩，兩支一組，分佈兩岸，支撐住條橋。橋底有幾條管，輸送兩岸。