將臨期、降臨期、待降節係基督教節期，係聖誕節就快嚟到嘅準備期，第一日叫將臨期第一主日，總共四個禮拜日，直到平安夜為止。
將臨期第一主日嘅計法係聖誕節起倒數四個禮拜日（聖誕節如果係禮拜日就唔包括在內），計出來會介乎11月27號至12月3號之間；喺有用教會禮儀年嘅西方宗派（例如天主教）佢係一種新年，當日會轉禮儀年嘅年份[1]（只有甲、乙、丙三年）。
