小孩不笨 (電視劇)
小孩不笨（英語：I Not Stupid）係星加坡新傳媒電視2002年製作嘅電視連續劇，共18集，改編自同名電影，主要演員亦係原版電影嘅原班人馬。呢套電視連續劇曾經喺中國大陸（中國中央電視台）、香港（無綫電視翡翠台同鳳凰衛視）等地嘅中文電視頻道中播出。同原版電影唔同嘅係，呢套電視連續劇裏面用到嘅語言只有：華語（國語）、英語。原版電影中有大量閩南語，因為星加坡嘅語言政策，唔可以喺免費電視節目中出現。
劇情簡介 編輯
《小孩不笨》係一套諷刺社會嘅喜劇片，故事講述四個小學生（追加咗EM1學生心潔）嘅升學壓力，探討嘅係星加坡教育制度嘅弊病，包括從1991年開始實施嘅小學能力分班、星加坡華人對華語唔重視問題等。故事透過四個細路畀觀眾睇出星加坡政府嘅教育政策點樣影響社會上每個人嘅生活。
電視劇獨有嘅角色心潔，係對文福互有好感嘅EM1學生，出身喺醫生世家嘅佢，經常出現一個叫做美美嘅「敵人」，後嚟證實呢個人根本唔存在，而係佢喺精神分裂之下出現嘅幻覺。