就係媒體

就係媒體有限公司，簡稱就係媒體（粵拼：zau6 hai6 mui4 tai2；英文：Being Media Limited）係一間喺2018年成立，總部設喺香港嘅傳媒企業。主要從事季刊《就係香港》出版，由《香港01》前總編輯龍景昌、前執行總編輯黃寶玉同埋《明報周刊》前創意總監黃炳培成立。

背景

龍景昌之前係《香港01》嘅總編輯，由頭一手一腳開辦《香港01》，創刊做到2018年3月先走，連同黃寶玉同埋黃炳培全部都喺《明報周刊》做過，之後三個一齊過檔搞《就係媒體》。

由於龍景昌同香港01老細于品海好熟，仍然係南海控股、南海旗下《大地傳播》、《多維傳媒》，《香港01》、《香港零一媒體》嘅董事。而于品海係南海控股嘅主要股東同董事會主席。佢專登澄清話于品海、《香港01》同《就係媒體》無關係，係獨立營運^[1]。

龍景昌任內嘅《香港01》涉及過唔少同政治立場同編採自主有關嘅紛爭。

《香港01》喺2017年12月曾經發表一篇關於六四事件嘅文章，引述英國駐華大使館嘅解密資料，但原文發出後被撤換，略過咗好多原文嘅細節，亦刪減咗好多對解放軍士兵入城時嘅具體情況描述^[2]。

被修改嘅內容包括：

龍景昌接受《眾新聞》訪問時回應，被刪去係因為報道方式問題^[2]。

↑ 〈龍景昌離開《香港01》自資搞紙媒：如果于品海打本，我使鬼走咩？〉。《眾新聞》。2018年3月29號。原著喺2020年1月3號歸檔。喺2022年4月22號搵到。
↑ ^2.0 ^2.1 ^2.2 ^2.3 ^2.4 〈《香港01》刪改六四事件解密檔案報道惹關注〉。《英國廣播公司》。2017年12月21號。原先內容歸檔喺2019年6月17號。喺2020年8月2號搵到。

呢篇就係媒體係關於香港公司嘅楔位文章，重未完成嘅。麻煩你幫手補充佢嘅內容。