尼米茲號航空母艦

尼米茲號航空母艦（USS Nimitz CVN-68）係一艘隸屬於美國海軍嘅核動力航空母艦，亦係一系列尼米茲級核動力航空母艦嘅第一艘。尼米茲號於1972年5月13號正式下水，其艦名承襲自第二次世界大戰期間曾任美國海軍太平洋艦隊指揮官嘅契斯特•尼米茲海軍五星上將，該艦目前仍係美國海軍重要嘅打擊武力平台，亦係迄今為止全世界最大型嘅軍艦之一。

尼米茲號航空母艦

簡史

1970年代

尼米茲號於1976年7月7號部署至地中海，跟隨嘅軍艦有巡洋艦南卡羅萊納號同加利福尼亞號，呢個係10年來美國首次喺地中海部署核動力軍艦。喺平靜無事嘅巡航後尼米茲號於1977年2月7號回到諾福克。 1977年至1978年間嘅巡航亦同樣平靜，但喺1979年9月10號展開嘅第三次嘅巡航中，尼米茲號投入咗鷹爪行動任務，呢個係一個為解救伊朗人質危機中於伊朗首都德黑蘭被扣留嘅美國人質，而發動嘅軍事行動。呢次任務由於參與嘅直升機墜毀於沙漠中而告失敗，之後尼米茲號於1980年5月26號回到美國。

接下來嘅幾年喥，喺一次意外中，一架EA-6B徘徊者式電子反制機墜毀喺甲板上，造成14人死亡、45人受傷。

1980年代

喺1981年發生嘅錫德拉灣事件中，當尼米茲號嘅機隊喺錫德拉灣上空進行飛行訓練時，兩架F-14雄貓式戰鬥機遭遇利比亞戰機嘅攻擊，喺仲擊時擊落咗兩架利比亞戰機。

尼米茲號於1987年更換母港至華盛頓州嘅布雷默頓（Bremerton）。

1990年代

1991年2月25號尼米茲號前往波斯灣參加海灣戰爭以接替遊騎兵號航空母艦，並於1991年8月24號返回。並於1993年再次部署至波斯灣數個月以接替小鷹號航空母艦。喺1996年嘅3月嘅台灣海峽飛彈危機中，尼米茲號被派遣至台灣海峽巡邏，以表示反對中國動武嘅立場。

喺1997年9月1號，尼米茲號於環繞世界一週嘅巡航後回到維吉尼亞州嘅紐波特紐斯（Newport News），進行服役壽命延長計畫（Service Life Extension Program），工程一直持續到2001年6月25號才結束，接著尼米茲號改變母港至加州嘅聖地牙哥。

2000年代

艦上電子戰中心

喺2003年4月，尼米茲號前往波斯灣接替林肯號航空母艦，以支援美伊戰爭。

尼米茲號於2003年11月2號回到聖地牙哥進行計畫中嘅保養同維修，並再次於2005年5月部署至波斯灣，喺平靜無事嘅巡航後於2005年11月8號返回。呢次部署被詳細記載喺美國公共電視台嘅《航空母艦》系列電視紀錄片。

2010年代

2010年2月，尼米茲號航空母艦到訪香港進行補給。

2010年底，尼米茲號轉移到華盛頓州布萊莫頓（緊鄰西雅圖）嘅干船塢進行為期一年嘅維修同改進。然後，佢將進駐新嘅母港艾弗萊特（亦緊鄰西雅圖），佢將替代林肯號航母喺太平洋艦隊中嘅角色。

2013年5月，尼米茲號到達南中國海，美軍宣稱目的係「確保海上安全同戰區合作」。

其它

數位化後嘅艦橋儀表

• 1980年上映嘅美國科幻電影《核子母艦遇險記》（The Final Countdown）冚唪唥係喺尼米茲號上取景拍攝。

相關條目

• 美國海軍航空母艦一覽

外部連結

• 尼米茲號官方網站（美國海軍）（英文）
• 美國公共電視台《航空母艦》系列電視片