屯門市廣場（英文：Tuen Mun Town Plaza，簡稱英文：tmtplaza，粵拼：tyun4 mun4 si5 gwong2 cheung4）係一座喺香港新界屯門嘅一個購物商場同私人屋苑，1987至1992年期間分3期建成，1、2期由關善明建築師樓設計、第3期由呂元祥建築師設計，係新界西部嘅大型購物商場同住宅發展項目。發展商係信和置業，承建商係中國海外房屋工程有限公司。鄰近設置有輕鐵市中心站、杯渡站、屯馬綫屯門站同巴士總站。屯門市廣場一共分為3期，第1、2期係商場同住宅；第3期設有全香港面積最大嘅香港賽馬會投注站。屯門市廣場係信和集團嘅旗艦商場之一。
