帝吧出征事件
除非特別寫明，否則本文所有時間都係以UTC+8時間為準。
帝吧出征事件又叫做中國大陸網民「出征」Facebook事件；中國大陸網民叫做Facebook「表情包」大戰，係指2016年1月20號喺百度貼吧李毅吧（又叫做帝吧）網絡論壇提議並由部分中國大陸網民實施嘅一項利用翻牆軟件突破防火長城，喺蔡英文等台灣政治人物以及《蘋果日報》、三立新聞網等台灣媒體嘅Facebook主頁大量發佈評論事件，呢件事件又以評論中包含住大量中國大陸網絡常用嘅圖片表情為特點。
| 日期 | 2016年1月20號 |
|---|---|
| 時間 | 19:00-19:30 (UTC+8) |
| 地點 | |
| 起因 | 周子瑜國旗事件、2016年中華民國總統選舉同羅志祥國族事件 |
| 參加嘅人 | 大約10萬名中國大陸網民，主要嚟自百度貼吧嘅李毅吧、共青團中央 |
| 結果 | 多間台灣媒體嘅Facebook頁面閂停評論 |
經過
編輯2016年1月20號凌晨2點左右，新浪微博網民「趙日天233號」發佈咗一條「今晚7點出征fb和對岸台獨同志進行友好交談」嘅微博，信息好快轉發過萬，刷咗上新浪微博嘅熱門話題榜。隨後，「出征隊伍」被分為兩個總群同一個前線部隊，每個總群下又設有6路縱隊，收集「台獨」言論、相等情報工作、宣傳及組織工作（透過發帖召集人馬）；「武器」裝備工作（制作表情包）；對外交流工作（外語翻譯）；戰場清理工作（舉報「台獨」言論）、以及一個粵語組，並對應創立咗6個QQ群組[1]。
中國大陸網民預計要喺夜晚7點對台灣各大媒體臉譜粉絲團發起「進攻」，要用「自制表情」、「網絡言語攻擊」、「檢舉」等手段，喺台媒粉絲團大量刷屏，目的係要令粉絲團關閉。為咗呢次「出征」，有部分網民甚至自制「教戰手則」，亦有人提供表情懶人包，仲提醒唔好用習近平嘅相做表情，避免遭對方改圖。同時有一個鬥魚TV直播間喺6:30左右開播，直播註冊Facebook賬號，並普及事件嘅前因後果，令唔可以翻墻嘅網民亦能夠「共襄盛舉」[2][3]，消息發佈後，三立、東森等台灣媒體紛紛報道咗呢個消息[4]。1月20號下晝1點38分，距離微博中預告嘅夜晚7點「遠征」仲有5個鐘，「6組帝吧反TD（台獨）出征群」嘅QQ群組入面發佈咗第一個群組公告，公告中要求每位成員「不說髒話、不發任何中國領導人的照片、要攻擊台獨言論而不能全盤否定、一切行動聽指揮」。隨後，「關於去戰場」、「參戰須知」、「注意事項」等公告逐一發佈，公告中明確規定好步驟，先去佔領嘅輿論地，由於涉及境外媒體，群文件入面仲為群民準備咗29個Facebook賬號，7個翻墻軟件。一位負責制圖嘅成員透露，上一日13點左右，新建嘅5個群都因人數上限，加唔到人進去。佢所在嘅制圖組亦不斷有新人加入，唔識制圖嘅負責收集資料圖片，識制圖嘅負責制作表情包圖片，然後上傳到群相冊，畀其他「戰友」用[1]。
共青團中央官方微信運維負責人、宣傳部幹部任曉蓉，亦被認為喺呢次事件入面參與輿論引導工作[5][6][7]。
夜晚7點，大量大陸網民湧入Facebook，7:00-7:15湧入三立新聞主頁，7:15-7:30就轉去蘋果日報主頁，之後就去蔡英文個人主頁[2]，同時被湧入嘅仲包括自由時報、何韻詩、林更新、周子瑜等機構同個人嘅Facebook主頁[8]。大陸網民開始對呢啲粉絲團大量評論，並附帶表情包。大量表情包、「八榮八恥」全文、「社會主義核心價值觀」全文、滿漢全席、中國山水畫等內容佔滿各大戰場評論頁[1]。同之前百度貼吧幾次爆吧唔同，呢次帝吧「遠征」組織者規定「有組織、有紀律」，帝吧相關組織者喺組建多個QQ群組入面多次強調文明用語，唔發佈色情圖片，反台獨但唔反台灣人民，隨後翻譯組仲將多國語言版本嘅反台獨聲明翻譯出來，一啲表情包風景圖亦蓋上咗印章，強調「反台獨專用」。夜晚7點，多個平台迅速畀中國大陸網民佔據，網民透過刷詩歌、表情包等方式刷粉絲專頁，一啲平台選擇關閉評論去躲避。由於無法喺中國大陸境內直接登入Facebook，呢次帝吧打擊「台獨」事件喺各直播平台上廣泛傳播，首先開通直播係鬥魚TV，同時觀看人數迅速超過10萬，後畀鬥魚官方關閉。隨後Bilibili、虎牙直播、熊貓TV等多個平台亦先後跟進直播，但隨後無耐都畀呢啲直播平台關閉[9]。
睇埋
編輯參考
編輯- ↑ 1.0 1.1 1.2 〈"帝吧fb出征"組織者：刷八榮八恥給台獨上愛國課〉 (中文)。新浪評論。2016-01-21。原先內容歸檔喺2016-01-22。喺2016-01-22搵到。
- ↑ 2.0 2.1 〈親歷帝吧出征FB"表情包大戰" 兩岸不是在戰鬥而是狂歡〉 (中文)。品玩。2016-01-21。原著喺2016-02-24歸檔。喺2016-01-22搵到。
- ↑ 〈帝吧出征fb表情包大戰升級 千萬大陸網友翻墻占領臉書〉 (中文)。搜狐。2016-01-20。原著喺2016-01-24歸檔。喺2016-01-22搵到。
- ↑ 〈大陸「帝吧」FB出征！ 放話晚上7點進攻台媒粉絲團〉 (中文)。東森新聞雲。2016-01-20。原先內容歸檔喺2016-01-21。喺2016-01-22搵到。
- ↑ 陳亭均 (2016-02-04)。〈「帝吧」快閃鬧劇的幕後角力〉。《今周刊》。第998/999號。原先內容歸檔喺2019-08-12。喺2019-08-12搵到。
- ↑ 葉兵 (2019-07-24)。〈"小粉紅"翻墻遠征香港 個人信息泄露"被報名參軍"〉。《美國之音》。原先內容歸檔喺2019-08-12。喺2019-08-12搵到。
- ↑ 三三 (2016-07-25)。〈權力漩渦中，小粉紅的過火與荒誕〉。《端傳媒》。原先內容歸檔喺2019-03-21。喺2019-08-12搵到。
- ↑ 〈帝吧"表情包"遠征FB成績單：台獨電視台嚇呆〉 (中文)。前瞻網。2016-01-21。原著喺2016-01-22歸檔。喺2016-01-22搵到。
- ↑ 〈帝吧出征FB：直播平台被封禁 多個網站關評論〉 (中文)。騰訊科技。2016-01-21。原先內容歸檔喺2016-01-22。喺2016-01-22搵到。