廣州大學附屬中學

  提示：呢篇文講嘅唔係廣州大學實驗中學。

  「廣大附中」跳轉到呢度。想搵佢嘅屬下分校，請睇「廣大附中 (搞清楚)」。

廣州大學附屬中學（粵拼：gwong2 zau1 daai6 hok6 fu6 suk6 zung1 hok6）；簡稱廣大附中（gwong2 daai6 fu6 zung1）；佢係中國廣東省廣州市嘅一間全日制中學，喺1950年4月開辦，入面有2個校區。呢間學校係廣州大學屬下嘅一間中學，同時佢係廣州市嘅一間重點中學。

廣州大學附屬中學 Middle School Attached to Guangzhou University
做最好嘅自己
位置
黃華路：越秀區黃華路6號 大學城：番禺區國醫西路2號
明細
類	廣東省一級學校
校訓	做最好嘅自己
成立	1950年
資料	86-020-83870106
級別	初中三年全日制 高中三年全日制
網站	http://www.gdfz.edu.cn/

廣州大學附屬中學嘅黃華路校區，喺2015年4月15號影。

校服色

廣州大學附屬中學嘅校服

呢間學校嘅校服色方面，有兩種唔同嘅版：

• 第一品種：長袖係　　　，短袖係　　呢啲色。
• 第二品種：長袖係　　　，短袖係　　呢啲色。

兩個校區嘅詳細位置

• 黃華路校區：越秀區黃華路6號
• 大學城校區：番禺區國醫西路2號

史

其實呢間學校喺1950年4月開辦，喺開辦無耐就嗌咗「中國人民解放軍第十五兵團幹部子弟學校」嘅名，而且嗰時係第四野戰軍喺解放戰爭入面搞嘅四間子弟學校當中嘅最後一間。如估話到喺解放戰爭入面搞嘅另外三間子弟學校，分別喺黑龍江省哈爾濱市、天津市同埋湖北省漢口市，成立時間分別喺1948年5月、1949年1月、1949年8月。而校址就喺而家嘅達道路入面。到咗1950年4月，學校先至改名做「中南軍區兼第四野戰軍幹部子弟學校」。喺1951年3月重改名做「廣東軍區幹部子弟學校」，甚至重搬到百子路（而家係百子橫路）入面。甚至喺1953年8月又搬到郊區嘅石牌玉泉山嗰頭（而家係天河區石牌村入面），重改名做「中南軍區第二小學」，後嚟重改名做「廣州六一小學」，到咗1956年8月，學校又改名做「廣州八一小學」，同時學校重搬到而家嘅黃華路入面。

到咗1958年8月，學校升級到中學之後，重改名做「廣州八一中學」（唔係而家嘅廣州市八一實驗學校）。但係文革期間由於受到破四舊嘅思想影響，喺1968年8月份改咗名做「廣州市第五十三中學」，喺1970年代嗰時，呢間學校重俾人話過喺小升初錄取批次入面，佢係最渣屎嘅學校。不過「廣州市第五十三中學」嘅名用到1981年，由於廣州師範學院（喺2000年同廣州大學合併咗）嘅畢業生分配到呢間學校入面，結果學校又改名做「廣州師範學院附屬中學」，之後由於越嚟越多人可以喺高考度過到錄取分數線，之後學校有開始改頭換面，重掛咗奥林匹克學校嘅牌出嚟，而間學校嘅衰名先至俾人除咗。喺2000年10月，由於廣州師範學院同廣州大學合併咗，呢間學校重改咗名做而家嘅「廣州大學附屬中學」。

到咗2010年初，呢間學校重喺而家嘅大學城入面，南三路（而家係國醫西路）附近搞咗間新嘅校區出嚟。

攷

• 广州大学附属中学的历史 超星发现网
• 广州大学附属中学 中国教育信息查询网