廣州市婦女兒童醫療中心

  呢篇文講嘅唔係天河區婦幼保健院
  「廣州市婦幼保健院」跳轉到呢度。有關屬下嘅單位機構,請睇「廣州市婦幼保健院 (搞清楚)」。

 廣州市婦女兒童醫療中心粵拼gwong2 zau1 si5 fu5 neoi5 ji4 tung4 ji1 liu4 zung1 sam1中國廣東省廣州市一間三級甲等醫院。

廣州市婦女兒童醫療中心(珠江新城院區)

醫院喺2006年9月成立,佢係由原嚟嘅廣州市婦嬰醫院(廣州市婦幼保健院)同埋廣州市兒童醫院合併出嚟嘅,呢間醫院重係廣州市政府嘅其中一個惠民工程。其中呢間醫院附屬嘅廣州市兒童醫院同埋廣州市婦嬰醫院嘅牌係市副局級嘅事業單位[1]

醫療中心有三個院區:分別係越秀區嘅婦嬰院區、兒童院區同埋天河區嘅珠江新城院區。

三個院區嘅詳細位置 編輯

概況 編輯

醫院建築面積14926.5平方米,而家有職工555人,其中專業技術人員有84%(高級技術職稱人員12.4%,中級技術人員24.4%)。

歷史 編輯

20世紀初至20世紀中 編輯

呢間醫院早喺1908年(光緒34年)成立,當時係由醫師謝愛瓊喺舊陣時荔灣區光復南路十六甫大街10號創辦咗一間叫「謝愛瓊婦孺醫院」,又可以嗌婦孺產科醫院,而呢間醫院係廣州市嘅第一間產院。而呢間產院嘅成立就改變嗮以前廣州靠傳統嘅鉸剪、滚水嚟接大肚婆式生BB仔咁落後嘅模式[2]。喺呢間醫院創立,重引入咗嗰陣時比較先進嘅婦產科技術同埋設備,重開咗產科講習所,培養咗啲生BB嘅人才。後嚟到咗1922年嗰陣,婦孺產科醫院喺大市街(依家係惠福西路)起咗新院,而婦孺產科醫院改咗係分院[3]。到咗1946年同伯多祿醫院合併咗,變咗叫「廣州市產院」。到咗1963年5月改咗名叫廣州市婦幼保健院[4]

20世紀末,婦嬰醫院時期 編輯

醫院改咗名叫廣州市婦幼保健院之後,後嚟喺1986年7月,醫院嘅新大樓喺廣州市人民中路呢個地方開始施工[5],醫院完工之後就搬咗去人民中路398——402號呢個地方。而呢間醫院經過廣州市編委決定,掛廣州市婦嬰醫院嘅牌。到咗1996年,呢間醫院率先喺國內起臍血幹細胞庫,而呢個庫已經向中國大陸卅幾間移植中心提供非親緣臍血228份用嚟做臨床移植醫白血病、再障、重型地中海貧血等呢啲血液病[4]。到咗1997年11月同埋12月,經過幾代嘅醫務工作人員嘅努力,而家呢間醫院已經係廣州市「三級甲等」嘅婦幼保健院,重更加係廣州醫學院附屬醫院同埋中山大學婦幼衛生系教學基地[4]

21世紀00年代,婦嬰醫院時期 編輯

  • 2002年:呢間醫院搞咗廣東省特色專科,廣州市醫學重點專項,得到廣州市政府同埋廣州市衛生局嘅重點支持[4]
  • 2003年2月:前中國科學院副院長嘅陳竺院士嚟參觀同埋考察咗院入面嘅臍血庫建設,重對呢間醫院攞到嘅成績畀咗好高評價[4]
  • 2005年5月:為咗改善廣州市婦女兒童嘅醫療環境同埋完善婦幼保健網路嘅關係、就喺新城市中軸線珠江新城入面搞咗間廣州市婦女兒童醫療中心[4]
  • 2006年9月:廣州市婦嬰醫院(廣州市婦幼保健院)同埋廣州市兒童醫院、同埋新起嘅珠江新城嘅院區合併咗叫廣州市婦女兒童醫療中心

兒童醫院時期 編輯

其實兒童醫院以前係叫達保羅醫院,係由美國達保羅喺1928年創建嘅私家醫院,而呢間醫院喺惠福西路24號嘅一棟4層樓嘅屋入面(呢間屋喺2003年2月份拆咗,而家係一棟冇人嘅倉庫),喺1931年7月就搬到官祿路(而家喺觀綠路)30號呢邊,後嚟喺呢個地方起咗間新院。到咗1952年,達保羅嘅女就將呢間醫院嘅財產產捐畀中華人民共和國政府廣州市人民政府接辦廣州市立醫院兒科部,喺1953年8月1號就將方便醫院嘅小兒科一齊合併咗,重將佢改咗名叫廣州市兒童醫院。到咗2006年,廣州市兒童醫院同埋廣州市婦嬰醫院一齊合併咗。

依家 編輯

  • 2009年9月19號:廣州市婦女兒童醫療中心珠江新城院區開院[4]
  • 2013年4月15號:廣州市第一個母乳庫響珠江新城院區成立[6]

附近嘅交通 編輯

編輯

  1. . 原著喺2011年12月30號歸檔. 喺2014年3月18號搵到.
  2. 大洋网 (2012-07-16). . 原著喺2015-10-03歸檔. 喺2014-03-18搵到.
  3. 廣州數字文化网 (2012-11-13). .{{cite web}}: CS1 maint: url-status (link)
  4. 4.0 4.1 4.2 4.3 4.4 4.5 4.6 广. 原著喺2011年12月30號歸檔. 喺2014年3月18號搵到.
  5. 廣州市婦嬰醫院(廣州市婦幼保健院) 广州本地宝
  6. 首家母乳库在广州成立 妈妈们踊跃捐奶 互聯網檔案館歸檔,歸檔日期2013年9月11號,. 2013-04-15 腾讯