婦兒中心站

  呢篇文講廣州地鐵APM嘅金穗路站。想搵上海地鐵9號綫同12號綫嘅轉車站嘅話，請睇金海路站。

婦兒中心站（粵拼：fu5 ji4 zung1 sam1 zaam6；英文：Guangzhou Women and Children's Medical Center），規劃時期嗌過金穗路站（gam1 seoi6 lou6 zaam6；Jinshui Road Station）、中央廣場站（zung1 joeng1 gwong2 coeng4 zaam6；Central Plaza Station），係廣州地鐵APM嘅車站，2010年11月8號開放，喺天河區金穗路南邊同珠江東、西路嘅交界，廣州大劇院嘅北邊。

婦兒中心 Guangzhou Women and Children's Medical Center
概覽
冧巴	APM05
位置	天河區金穗路南邊同埋珠江東、西路嘅交界，廣州大劇院嘅北面。
車站色
經過路線	APM
啟站	2010年11月8號
月台數	1
站口數	2
營運資訊
車站服務時間	06:58～23:12
列車服務時間	07:03～23:07
珠江新城旅客自動輸送系統 廣州塔　◄花城大道 （380m） （500m）黃埔大道►　林和西

呢個站係成個廣州地鐵車站嘅站廳同月台入面，唯一冇站名大字嘅車站。另外，喺每年廣州國際燈光節期間，呢個站亦唔會對外服務，列車亦會搞飛站處理。

結構

樓層

呢個站一共有3層樓嘅地下區域，其中地下1樓係APM嘅站廳，有票務設施，客務中心同商鋪；地下2樓係APM嘅月台。同大多數嘅APM嘅車站一樣，冇廁所同母嬰室、休息室響度。

打掂

地面	-	出入口、花城廣場
地下 1樓	大堂	服務中心、商舖、車站設備、自動櫃員機、安檢設施
地下 2樓	2月台	← APM 去花城大道站（行廣州塔嗰邊）
	島式月台、開左邊門
	1月台	APM 去黃埔大道站（行林和西嗰邊） →

打橫

婦兒中心站嘅站廳

婦兒中心站嘅月台

站廳

婦兒中心站嘅站廳有售票機同客服中心，而收費區喺站廳南邊，而站廳同月台之間有條扶手電梯同樓梯接埋一齊。

月台

呢個站有1個島式月台，喺花城廣場嘅中北邊地區。不過呢個站嘅月台同其他廣州地鐵路線嘅車站唔一樣，唔單止冇大字，甚至連柱都唔整。佢係成個廣州地鐵嘅車站入面，唯一一個冇整到大字站名嘅車站。

另外，呢個站嘅月台南邊有條單渡線，如估APM北邊出咗冬瓜豆腐嘅話，行林和西站啲車喺呢條存車線返轉頭。屆時去林和西嗰邊啲乘客要轉搭其它交通工具。

商舖同自助服務

呢個站同大部份APM嘅車站一樣，冇商舖；但有部自動販賣機響度，就喺A出入口附近。

出入口

A出入口 A出入口  B出入口 B出入口

呢個站一共有2個出入口，分別係A同B。

冧巴	標記	方位	去到邊度
出入口A	金穗路	西	花城廣場、金穗路、華明路、華城路、珠江西路、華夏路、廣州市婦女兒童醫療中心、花城匯購物中心北區
出入口B	珠江東路	東	花城廣場、珠江東路、花城大道、冼村路、中國農業銀行廣東分行、冼村路北公交站、冼村路中公交站

利用狀況

由於呢個站附近冇幾遠就喺廣州市婦女兒童醫療中心同廣晟國際大廈、珠江城大廈同利通廣場等其他地標性建築、辦公大樓同金融機構，所以喺呢個站附近嘅辦公大樓做嘢同酒店嘅住客人士就成日喺呢個站坐APM上落班；但係呢個站離廣州市婦女兒童醫療中心比較遠，相反距離珠江新城站嘅A1出入口比較近，而且APM凈係行天河北同珠江新城中軸線嗰带，啲人寧願揀珠江新城站都唔揀呢個站去坐地鐵，所以呢個站喺成日嚟講，凈係得幾個乘客出入站；而大部分時間嚟講，更加係冇人上落。

上一站·下一站

上一站⇚⇚　　　　廣州地鐵　　　　⇛⇛下一站
花城大道站 廣州塔站←	婦兒中心站 APM	黃埔大道站 →林和西站