廣州市第6中學
廣州市第六中學係廣州嘅中學，喺海珠區新港西路179號，係廣東省嘅示範性高中。學校前身係1946年由西南聯大同學會成立、第年遷入河南下渡現址嘅私立長風中學[1]。1962年最終定名廣州市第六中學。1978年定為市重點高中。2007年，成為廣州第一間國家級示範性高中。2010年之後，因當年黃埔中正中學併入，校方宣稱前身係黃埔軍校嘅子弟學校，重將創校年份提早去到1937年、將原先個校訓「愛國 勤奮 求實 創新」換成而家嘅「親愛精誠」。
| 廣州市第六中學 Guangzhou No. 6 Middle School | |
|---|---|
 愛國 勤奮 求實 創新（2010年前） 親 愛 精 誠（2010年後） | |
| 地址 | |
| 新港西路179號 | |
| 明細 | |
| 類 | 廣東省一級學校 |
| 校訓 | 愛國 勤奮 求實 創新（2010年前） 親 愛 精 誠（2010年後） |
| 成立 | 1946年 |
| 校區 | 海珠區 |
| 刊物 | 《鷺鳴》、《鷺翔》 |
| 級別 | 高中三年全日制 |
| 電話 | 86-020-89020162 |
校服色
編輯| 廣州六中嘅校服 | ||||
.jpg)
|
.jpg)
|
.jpg)
|
.jpg)
|
.jpg)
|
- 棉褸
- （紅領款）純 ，領 ，左胸位有 嘅
圖案。 - （黃領款）純 ，領 ，左胸位有 嘅 圖案。
- 長袖
- 衫： 相間。領 帶 花紋，花紋入面寫住「GZ NO. 6 MIDDLE SCHOOL」嘅字樣；袖口 帶兩條 線。正面 帶兩個 線同 線組成嘅直角三角形花紋。兩袖上 下 ，分界線成斜線。左右對稱。
- 褲：純 ，喺近右褲袋位有個 嘅 圖案。
- 短袖
- 衫： ，左右對稱，有領有紐扣，衫領同袖口都係 帶 邊。
- 褲： ，兩邊有較粗嘅 線但中間位俾斜上嘅 底色隔開咗。
史
編輯廣州六中前身係1946年成立嘅私立長風中學，係由西南聯大廣州同學會辦嘅。原先喺省城惠福路嘅千頃書院，1947年遷入河南下渡，之後黃埔中正中學併入。
到而家為止，以長風中學為主體嘅廣州六中經歷咗六個歷史時期。而喺長風時期之前，呢度係下渡村同鷺江村嘅交界位。
河南醫院時期（1925～1938）
編輯民國初年，嶺南大學勢力向東邊蠶食下渡村民嘅田地，田主就同時任國民第五軍軍長李福林反映。1925年，李福林出高價買斷咗笪地起「嶺南醫院」，搞掂咗呢單嘢。呢間醫院主要係同周邊村民睇病，無耐改名做「河南醫院」。1933年，李福林將醫院借畀十九路軍，用嚟起「殘廢軍人敎養院」。1938年，被㗎佬炸冧。
私立長風時期（1946～1950）
編輯長風創校
編輯1945年尾，西南聯大廣州同學會喺珠光路一間舊屋入邊籌備辦學。次年，通過黃賞林嘅宗族關係，租用省城維新路嘅千頃書院（黃氏大宗祠），以「民主、科學、生產、勞動」作為宗旨，成立「私立長風中學校」。學校採用校務委員制，校長由選舉產生。長風中學四任校長（黃賞林、古師勳、楊啟明、蔡劼）同黃端樞、黃非白等差唔多二十個老師都係西南聯大嘅畢業生。
1946年1月，學校董事會選舉黃賞林做校長，2月26號正式開課。同年9月，長風中學初中擴招，由一班增加到三班。嗰時，國民黨反動派搞事，話長風中學嘅敎職工係「異黨分子」，當街當巷打老師，唔單止損壞學校公物，重唔承認長風中學係合法學校、唔辦理學生畢業證書，後來重逼學校搬扯。
遷址下渡
編輯為咗維持學校正常辦學，古師勳、賴啟國請求大塘村鄉長曹泉出面同李福林講數，並喺年底傾妥。李福林將下渡村嘅殘廢軍人敎養院遺址捐畀西南聯大同學會辦私立長風中學，條件係免費收大塘村李姓子弟入讀。
1947年2月，私立長風中學由省城搬入河南下渡嘅教養院遺址。老師同學生先後開闢田徑場同游泳場，重喺周邊村創辦民眾夜校，由學生敎村民識字、講國語。
1949年4月28號，即係毛澤東、朱德發佈向全國進軍令嘅一個禮拜之後，廣州地下學聯學生喺私立長風中學操塲開全市進步學生骨幹聯歡會。
1949年10月14號，廣州解放，由地下學聯送一批青年學生參加接管工作，私立長風中學學生踴躍報名，成為當時中學生參加軍管會人數最多嘅學校之一。
1950年7月21號，經私立長風中學全體師生一致通過，將學校交畀省人民政府。
1950年8月，政府決定將黃埔中正中學併入私立長風，轉做公立，起名叫廣東省立珠江中學。
珠江中學時期（1950～1953）
編輯1950年，完成合併嘅珠江中學設初中4班，高中4班，學生400幾人，敎職工60幾人。
1951年，學校足球隊喺首届市長盃足球賽斬獲中學組冠軍。亦事關珠江中學係當時廣州地區水上運動搞得至好嘅學校，中央新聞紀錄製片廠派人來廣州，影低珠江中學師生暢游珠江嘅紀錄片《珠江散步》喺全國播映。
1952年，全國第一次游泳運動會喺廣州舉行，珠江中學師生有份參與開幕式水上集體表演。
六中第一時期（1953～1960）
編輯1953年初，廣東省文敎廳決定將廣東省珠江中學交畀廣州市管，改名廣州市第六中學。
呢幾年間，學校新起咗三層主教學樓、實驗室同圖書館，原先嘅草棚建築換成磚木結構，並增建女生宿舍。國家敎育部按重點中學標準，畀咗六中成套儀器架撐。
中大附中時期（1960～1962）
編輯1960年，全國掀起敎育改革高潮，六中撥咗畀中山大學，於是同原先中山大學預科合併為中山大學附屬中學和預科。預科部分喺原有班級畢業之後結束，學校就變咗得個中學部分嘅中山大學附屬中學。
1962年，敎育部決定中山大學「一條龍」教學改革試驗埋尾，學校畀返廣州市管。
六中第二時期（1962～而家）
編輯- 1962年9月，學校歸返廣州市，於是乎復名廣州市第六中學。
- 1966年，文革爆發。同年6月5號，六中學生作反，原因係「敎師執行資產階級反動路綫」，當時全校學生罷課，老師同班主任都要接受學生批鬥。7月13號，六中學生喺學校貼大字報，話老師係「牛鬼蛇神」，要啲老師住牛棚，唔畀返屋企，集體接受學生輪番批鬥同埋監督去洗廁所、掃地等。
- 1978年，成為市屬重點中學。
- 1994年，被評為省一級學校。
- 2000年，開設「新疆班」。
- 2001年，初中部停止招生，校敎育工會創立民辦性質嘅「廣州六中珠江中學」。
- 2006年，成為廣州市首批示範高中。
- 2007年9月，成為廣州市首間國家級示範性高中。
- 2010年，校訓由原先嘅「愛國、勤奮、求實、創新」改成「親愛精誠」，校歌改用《黃埔軍校校歌》；同年宣稱恢復初中部，而家無咗回事。
- 2015年，開設「黃埔風」特色班。
開辦黃埔軍校紀念中學
編輯2012年4月18號，校方同黃埔區教育局簽合作協議而開辦黃埔軍校紀念中學。初期喺84中入面開辦[2]，原計劃2014年搬到黃船小學入面繼續開辦，但因為嗰年蘿崗區同黃埔區合併，加上長洲已被列入歷史文化保護範圍而冇搞到，直到2016年重新啟動呢項計劃，2016年4月13號喺84中門口爆發咗逼遷嘅示威行動，後嚟政府出面解決問題，最後喺2016年6月俾好多家長同長洲居民同意，令黃埔軍校紀念中學得到保留，而84中被併入而消失到無影無蹤[3]。
歷任校長
編輯- 黃賞林 （1946年1月 — 1947年2月）
- 古師勳 （1947年2月 — 1948年）
- 楊啟明 （1949年 — 1950年2月）
- 蔡群生 （1950年2月 — 1950年8月）
- 劉賢江 （1950年9月 — 1957年9月）
- 虞澤甫 （1957年9月 — 1959年3月）
- 劉賢江 （1959年3月 — 1964年9月）
- 陳建屏 （1964年10月 — 1969年8月）
- 歐隆耀
- 宋鑄華
- 黃立通
- 羅峻峰
- 蔡定基 （2003年1月 — 2007年1月）
- 呂日新 （2007年1月 — 2008年2月）
- 劉建祥 （2008年2月 — 而家）
交通
編輯鷺江站
註
編輯- ↑ 廣州市地名委員會編 (1989)。〈廣州市第六中學〉. 《廣州市地名志》 (簡體中文)。香港大道文化有限公司。頁 211。ISBN 9787535902962。
- ↑ 〈廣州六中2014年或搬回黃埔長洲舊校址復學〉。大洋網。2012-04-19。原著喺2012-06-26歸檔。喺2017-03-01搵到。
- ↑ 〈內暢外聯 出行更方便了乾淨整潔 黃埔更宜居了〉。《信息時報》。2016-09-08。
{{cite web}}: CS1 maint: url-status (link)
攷
編輯- 《海珠區志》
出面網頁
編輯
- 廣州市第6中學嘅官方網站（正式）
- 廣州市第6中學嘅官方網站（國際部）
- 廣州市第六中學學生論壇