廣州迎春花市

廣州迎春花市（粵拼：gwong2 zau1 jing4 ceon1 faa1 si5）係中國廣東廣州從大明開始，每年農曆臘月廿八到正月初一凌晨0～2點為止搞嘅大型活動。

廣州當地街坊成日將「花市」嗌做「花街」，喺農曆新年期間通常嗌呢個活動做「行花街」。

史

大明萬曆年間，嗰時芳村花埭（今日嘅花地）成為花木產區，後嚟花市最先到古代廣州都中心嘅西湖（今日嘅教育路同西湖路附近）一帶搞，從而形成咗「花渡頭」。大清中葉喺藩署前（今日嘅北京路北邊，財㕔附近）搞出夜間花市。尤其喺每年夏天，嗰時有好多遊人猛咁嚟睇花，規模從最初嘅城門一帶，發展到成個廣州城，而且日日都開檔，直到1960年代尾逐漸形成年宵花市。

花市從辛亥革命到中華人民共和國成立為止，廣州嘅中心花市一直喺槳欄路一帶搞，1956年搬到太平南路（今日嘅人民南路）一帶搞，1960年代改成分區搞而逐漸形成年宵花市。而年宵花市正式定名做「迎春花市」係1956年嘅事。

2007年，廣東省人民政府將廣州迎春花市定為第二批省級非物質文化遺產。

舉辦地點

廣州迎春花市喺各個區都有搞。分別喺：

　辦緊　　　取消咗　　

區域	位置	註
越秀區	教育路、西湖路	廣州最早花市所在地。雖然2005年一度被傳出要停辦，但最後喺各界反對停辦嘅情況下先至有得保留^[1]。
海珠區	濱江西路
荔灣區	荔灣路（中山八、七路交界到西華路）	初期花街係成條荔灣路開搞。但從2013年開始，由於彩虹橋站先後有8號綫二期、11號綫入場搞施工同康王北路下穿流花湖公園嘅隧道施工關係而縮短到西華路口。
芳村	芳村花卉市場、喜鵲路	之前花市喺陸居路搞，2005年，由於荔灣區同芳村區合併，花市一分為二搬到花卉市場一帶。
天河區	天河體育中心場外範圍
花都區	南方花卉交易中心入面
從化區	風雲嶺
荔枝灣	荔灣湖公園南邊條涌附近	2013年開搞
東山區	東湖路	雖然2005年同越秀區合併咗，但花市一直喺度辦，直到2014年被取消為止^[1]。
黃埔區	黃埔體育中心場外範圍
蘿崗區	映日路	2005年開搞，2015年取消。
番禺區	番禺廣場附近嘅廣場西、東路同埋東興路
南沙區	市南大道（環市大道到金沙路）	2013年開搞
白雲區	白雲萬達廣場周邊範圍	喺未有白雲新城之前，花市一般喺新市棠景街嘅遠景路一帶搞，從2012年開始搬到而家白雲萬達廣場周邊範圍搞。
增城區	增城廣場南門兩邊同佢嘅中軸線

註

↑ ^1.0 ^1.1 东湖花市为何停办新浪（2013-11-22）

連出去

[Fg2005-1] 1.0 ^1.1 东湖花市为何停办新浪（2013-11-22）

[1]