沉睡谷傳說
《沉睡谷傳說》（英文：The Legend of Sleepy Hollow）係一個好出名嘅美國恐怖短篇故仔，1820 年出版，背景設喺 1790 年嘅紐約嗰頭[1][2]。
,_frontispiece_-_BL.jpg)
《沉睡谷傳說》嘅主角係迷信、
故仔開始嗰陣，卡靈佢啱啱搬到紐約州嘅沉睡谷住。沉睡谷不溜出晒名多鬼故同怪事，當中最出名嘅係「空氣當中所有怪異力量嘅司令」—無頭騎士。無頭騎士嘅傳說係噉：據講從前有個士兵，佢參與美國獨立戰爭嘅其中一場戰鬥，途中畀砲彈打甩咗佢個頭，而自從嗰時開始佢嘅靈魂就一路四圍流浪，想搵返佢個頭。
弈卡博同鎮上嘅婦女有往來：佢得閒會走去幫手照顧牲畜或者斬柴，而且作為一個老師，佢時不時都會幫啲婦女睇住甚至湊吓細路；因為噉，唔少鎮上嘅婦女都對佢有好感。同時弈卡博又好沉迷啲神怪嘢，成日走去聽鎮上嘅一眾阿婆講神怪故仔，聽勻晒啲講鬼、高扁同鬼屋嘅傳言，而無頭騎士嘅傳說佢自然係聽到耳熟能詳。
弈卡博睇中咗貌美嘅後生女卡蒂蓮娜[歐 2]。卡蒂蓮娜屋企有錢而且佢又係獨生女，弈卡博諗住自己只要同卡蒂蓮娜結到婚，就可以名成利就。同時佢嘅情敵亞伯拉罕·凡·布魯特[歐 3]知佢想點，就連番噉整蠱佢。於是弈卡博同布魯特嘅關係就日趨惡劣。有一日，弈卡博出席卡蒂蓮娜屋企嘅聚會，喺聚會上跳舞同埋聽鎮民講鬼故。聚會過後，佢私底下向卡蒂蓮娜求婚，但卡蒂蓮娜對佢並冇興趣。
畀卡蒂蓮娜拒絕咗嘅弈卡博，死死哋氣噉騎住佢隻馬返屋企。喺路上，弈卡博騎住馬通過樹林入面幾笪相傳鬧鬼嘅地方。弈卡博喺宴會上聽埋晒啲鬼故，成個人都疑神疑鬼噉。騎騎吓，佢個腦開始想像有鬼出現，然後佢就見到沼澤裏面有個著住斗篷嘅怪人騎住隻馬企咗喺度。覺得不安嘅弈卡博想走，點知下一刻佢就見到，神秘人個頭原來係甩咗落嚟嘅，個頭放咗喺馬鞍上面。嗰一刻，弈卡博嚇到冇咗半條命，嗱嗱臨快馬加鞭想走。無頭騎士亦快馬追上嚟。弈卡博隻馬跑得夠快，佢以為自己可以擺脫無頭騎士，但無頭騎士跟住就一手攞起佢個頭，將個頭掟向弈卡博。掟中。弈卡博就墮咗馬，然後佢就不省人事。
|
到咗第二朝，啲人發現弈卡博隻馬喺主人屋企門前食草，但係冇人知道弈卡博嘅行蹤，啲人淨係喺事發現場搵到一個爛咗嘅南瓜。過咗冇幾耐，卡蒂蓮娜嫁畀布魯特，而唔少鎮民留意到，布魯特彷彿好似知道弈卡博去咗邊。鎮上面嘅阿婆就繼續講神怪故事，話弈卡博畀無頭騎士帶走咗，仲開始出現傳說，話有人目擊弈卡博嘅靈魂喺沉睡谷流連。
詮釋
編輯順帶一提，對於呢個故仔嘅一個常見理解係，無頭騎士查實係布魯特假扮嘅，而個爛南瓜就係用嚟掟弈卡博嘅假頭。嗰晚弈卡博畀「無頭騎士」打暈咗之後就嚇到從此遠離沉睡谷，亦有可能係畀布魯特殺死咗。
睇埋
編輯歐詞
編輯攷
編輯- ↑ The Legend of Sleepy Hollow. Encyclopedia Britannica.
- ↑ Irving, W., & Dunning, A. (2022). The Legend of Sleepy Hollow (p. 48). Royal Blind Society of New South Wales.
拎
編輯- 《沉睡谷傳說》 （英文）。《沉睡谷傳說》個原版英文故仔。