張蔭棠（1864年—1937年7月7號），字朝弼，號少卿，又號憩伯，係大清至中華民國時期外交官，廣東新會瀧水豪山鄉人。
張蔭棠曾任駐日本參贊、駐美國使館三等參贊兼駐三藩市領事、駐西班牙代辦、駐藏大臣（中文：駐藏幫辦大臣）。宣統元年（1909年）被任命為駐美國、墨西哥、秘魯同古巴四國公使。1911年爆發辛亥革命，張蔭棠支持革命運動，稱病辭職，改受中華民國政府任命做駐美國外交代表，至1913年被調回國。1937年7月7號，即係七七事變同一日，張蔭棠死喺北京。
