強國人
強國人[1][2][3]，係中港矛盾時代香港流行嘅網絡語言，原意係「來自強權國家[4]嘅人」，亦俾臺灣人、海外華人（包括大陸背景嘅海外華人）用嚟諷刺某啲中國大陸人。
呢個名詞諷刺中國大陸政府宣傳中經常使用嘅字眼「強國」（包括官方媒體《人民日報》開辦「強國論壇」網站）並將佢同一啲大陸人喺境外（香港、澳門、台灣以及海外）出現唔文明舉動、唔遵守當地法律同習慣，或表達傲慢觀點嘅行為聯繫，諷刺部分大陸人認為中國已經係「強權國家」而傲慢對待其他國家同地區以及當地居民，但又同時表現出落後同埋唔文明嘅習慣或觀點。
起源 編輯
21世紀初，自從中國載人航天工程成功開始，中華人民共和國多份報章都形容佢為「太空強國」，於是「強國」逐漸被網民廣泛使用，此外，中國共產黨官方有個強國論壇。後來，喺大陸以外嘅華人社會群眾，呢個詞演變為對中華人民共和國嘅謔稱，諷刺外強中乾[5]、霸道無理、侵略性強等意[6]。
呢個稱呼表面上係讚賞李克強統治下嘅中國人民文化、國民質素比漢唐盛世時期強大，但實際上，佢係對中國大陸人惡劣質素嘅冷嘲熱諷（因為，強國人嘅「強」字同李克強嘅「強」字係語帶雙關）。
其他用詞 編輯
參考 編輯
- ↑ 强國人沙律塔神技 嚇怕Pizza Hut？ 互聯網檔案館嘅歸檔，歸檔日期2014年5月30號，.《蘋果日報》2013年07月31日
- ↑ 幸福摩天輪——誰是「强国人」？頭條日報 2013-06-05
- ↑ 橫眉冷看：強國人與弱港人 太陽報 2014-04-17
- ↑ 有時又稱「強盛大國」
- ↑ 彈指春秋：所謂強國 外強中乾 東方日報 2012-08-04
- ↑ 強國人太丟架？ 國家旅遊局：或明文規管不文明旅遊 互聯網檔案館嘅歸檔，歸檔日期2014年10月12號，. 《香港蘋果日報》2013年8月2日
- ↑ 美國《外交政策》報道，中國年輕網民流行將中國稱為「你國」，而非傳統話語的「我國」，以示自己與中共掌控下的「中國」、及支持当局的网民的區別。