心理病態英文psychopathy)喺嚴格嘅性格心理學上係指一種性格上嘅特質,俾好多人認為係黑暗三角特質當中最反社會嗰個。心理病態傾向有持續嘅反社會行為、缺乏同理心而且異常大膽罪犯多數都有心理病態(但多數心理病態者都唔會做犯法嘅嘢)。

人腦杏仁核嘅位置 3D 圖解;紅色嗰兩粒就係杏仁核。

心理學研究指,心理病態最重要嘅特點係唔識:有心理學研究試過搵班受試者返嚟,用生理方法(量度心跳率同埋皮膚電導呀噉)嚟睇住啲受試者嘅情緒,發現一般人喺見到自己以外嘅人或者驚嗰陣,都會或多或少噉出現驚嘅反應(同理心),所以唔會想做出令其他人痛或者驚嘅行為;相比之下,心理病態程度高嘅人就缺少咗呢種反應-佢哋傾向咩都唔驚,即係話就算佢哋明知自己做緊嘅嘢(例如係操縱人、攻擊人甚至殺人)會令其他人覺得受苦或者驚,佢哋都唔會有咩感覺,事後更加唔會因為做咗傷害人嘅嘢而自責(不過有可能會為咗呃身邊嘅人而扮自責)[1]

有關心理病態嘅神經研究發現,有心理病態嘅人嘅杏仁核(amygdala;一個有份處理驚嘅情緒嘅腦區)對於會令一般人驚嘅嘢嘅反應異常咁弱,意思即係話正常人嘅杏仁核會因為驚而活動起變化,但心理病態程度高嘅人嘅杏仁核冇呢種反應[2]

睇埋

  1. Marsh, A. A., & Cardinale, E. M. (2012). Psychopathy and fear: Specific impairments in judging behaviors that frighten others (PDF). Emotion, 12(5), 892.
  2. Blair, R. J. R. (2003). Neurobiological basis of psychopathy (PDF). The British Journal of Psychiatry, 182(1), 5-7.