悖論

悖論係一個邏輯術語，即係話有啲嘢或者理論，你話佢係，但查實又唔係，到你話佢唔係嗰陣，又發覺其實係，舉一個最多人講嘅悖論例子：到底有雞先定有蛋先？如果你話有雞先，因為有雞先生到蛋，但係又會問，無蛋咁啲雞係邊度嚟？所以係有蛋先，跟住又問返轉頭：咁無雞先又點生到蛋呢？所以係應該係雞先，就係咁，無論點樣論証，都係証明同時又推翻，就好似啲古董大鐘個鐘鉈咁，你悖去左邊，佢又走返去右邊，你悖去右邊，佢又返返去左邊，所以中文就叫做悖論，亦有人譯做「詭論」。

邏輯悖論

邏輯學上嘅悖論通常涉及循環論證。史上有好多出名嘅悖論，例如阿爺悖論、全能悖論等等，都引起過學者好多討論。