慧安園

慧安園（英文：Well On Garden）係香港新界將軍澳一個私人住宅屋苑，喺毓雅里9號，仁濟醫院靚次伯中學對面，寶林邨同旭輝臺之間，喺1994年6月10號入伙，係寶林區第一個私人屋苑。發展商係南豐集團，管理公司係民亮發展有限公司。 ^[1]

設施編輯

屋苑共有4座住宅樓，每座樓高43層，每層有8個單位，單位面積由400到700幾平方呎，單位總數係1280個。^[2]

商場高2層，租戶包括超級市場、酒樓、診所同美容中心。其中1樓酒樓18,029方呎嘅舖位喺2016年4月由「磁帶大王」陳秉志、羅珠雄用8,800萬元買入，將原址改名做「PopStar 慧星匯」，劏出90個舖位分拆出售，面積由70到1,000方呎。^[3]

會所喺3樓，有一個遊樂場、網球場、一個游泳池（水深：1.1-1.5米）連嬉水池（水深：0.3米）。另有桑拿室，四張乒乓波檯同埋平台花園。

屋苑同港鐵寶琳站有一段距離，需行7到8分鐘。附近有小巴來往慧安園同觀塘同仁街。