鉞

鉞，斧一類，架生一種，用佢來破開啲嘢。佢至初寫戉，隻字同越同音。鉞石器時代就有，至初用石造，後尾就有銅造，如今石造就叫石鉞，玉造叫玉鉞，青銅造叫青銅鉞。後尾由架生化成武器同禮器。有時別字寫龯，都講鉞。

甲骨文戉

香港掘出石鉞

大汶口文化玉鉞

商時玉鉞

商時青銅鉞

鉞同斧分別，史上並無明確分界。左傳昭公十五年有「鏚鉞秬鬯」，疏寫「鉞大而斧小」。而太公六韜，「大柯斧重八斤。一名天鉞。」可見龯重過斧，大過斧，厚過斧。商時鉞成為軍備，有啲會有裝飾。另一說法，斧背有鈎，又或斧頂有尖，就叫鉞。

兵器來講，鉞難啲用，好多時只做禮器，又或斷頭刑具。司馬法咁寫，「夏執玄戉、殷執白戚、周左杖黃戉、右秉白旄。凡戉之屬皆从戉。」可見夏商周都有戉做權力象微。周嗰段出自書經牧誓，「王左杖黃鉞，右秉白旄以麾」。香港考古都掘到石鉞，象徵權力。

越同戉關系密切，越人持戉，現今認為百越由此而名。越人做出良渚文化，有唔少戉，當中一支北上成夏。

星官之中有個叫鉞。史記天官書有寫，「東井爲水事、其西曲星曰鉞。」後世室宿有鈇鉞。