我來自潮州

我來自潮州》(英文The Pride Of Chao Zhou)係1997年香港亞洲電視鄉土劇,拍嗰時名叫《家己郎》,播出時間係星期一至五晚九點半,合共45集。由陳庭威楊恭如文頌嫻李香琴劉錫賢歐錦棠龍貫天黃樹棠等主演。

呢套劇推出收視率得十點,但有好口碑,但月初仍然保持十一點,隨後三周都有十一點,係當時期亞視最高收視嘅自製劇集。

劇情

劇集以1940年代廣東省潮汕地區開場,配以抗日國共內戰時代為背景。講述鄭琛(陳庭威飾)本來係潮州府殷實商人鄭承宗嘅細佬,本性善良,先智退為禍潮州一帶嘅賣國賊土匪,後嚟化解咗汕頭上、下蓮村近百年嚟嘅恩怨。後嚟因為中華人民共和國成立,鄭琛就同同鄉嘅朱潤(劉錫賢飾)、李乃強(歐錦棠飾)去香港謀生。鄭琛喺老婆江倩茹(楊恭如飾)協助下,成為香港製衣業鉅子;李乃強就成為著名探長;朱潤就憑一手潮州菜廚藝,成為香港著名嘅潮州菜館集團老闆。

特色

呢套劇被視為當時亞洲電視大股東兼亞洲電視主席暨行政總裁林百欣自傳。林百欣原籍廣東潮陽(現屬汕頭地級市)嘅潮州人潮汕人),亦係以製衣起家;而劇中嘅主角鄭琛,就係以林百欣嘅一生作為藍本。

劇中陳庭威常以「自己人,有事好參詳」、「我哋係家己郎」等潮州話嚟加強劇情感染力,係香港劇集少見嘅特色。

演員

主題曲

劇集主題曲《勝利雙手創》改編自前台灣立法委員葉啟田葉憲修)主唱臺灣著名金曲《愛拼才會贏》(原作曲者為陳百潭),並由編劇梁立人譜詞,由香港著名老牌歌星葉振棠主唱。

重播

林百欣死嗰時,亞洲電視本港台特意喺夜晚九點三十分黃金時段重播呢套劇,以向林百欣致敬。1998年2月16號晚九點零五分,買到呢套劇台灣播映權嘅超級電視台首播呢套劇,承接呢個時段嘅上一部電視劇《情定艷陽天》。

連出去