抗日戰爭勝利紀念日
抗日戰爭勝利紀念日（英文：Victory over Japan Day），簡稱抗戰勝利紀念日，喺歐盟國家又叫VJ日（V-J Day），係第二次世界大戰嘅太平洋戰爭入面，因日本投降而戰爭結束嘅日期同之後每年嘅紀念日。由於唔同國家都有唔同嘅停戰日期，所以紀念日都唔一樣。美東戰事喺1945年8月14號凌晨（UTC-4），美國接到日本從《波茨坦公告》向全球各地宣佈投降，嗰日美國總統哈利·S·杜魯門向美國境內宣佈咗「勝利日」。日本時間8月15號中午，日本昭和天皇向日本境內讀咗《終戰詔書》；嗰日重慶時間上晝10點，中華民國國民政府軍事委員會委員長蔣中正特級上將發表咗《抗戰勝利告全國軍民及全世界人士書》。從日本投降開始，每年凡係日本投降嗰日，當地國家都有一系列嘅慶祝活動。
相關節日日期 編輯
中華人民共和國：每年9月3號
編輯
喺中華人民共和國成立之後無耐，中央人民政府政務院（今日嘅中華人民共和國國務院），定咗每年8月15號係抗戰勝利日，但用咗1年就取消咗。直到1951年8月13號定咗每年每年8月15號係抗日戰爭勝利日，但後嚟查證日本正式投降係1945年9月2號簽咗投降而改咗喺每年9月3號，而正式定為紀念日係2014年2月27號嘅事，嗰時第十二屆全國人大常委會定咗每年9月3號係抗戰勝利紀念日。
香港
編輯
喺香港主權移交初期香港政府曾經將8月第三個禮拜一訂為「抗日戰爭勝利紀念日」公眾假期，取代主權移交前嘅香港重光紀念日公眾假期，但只係得兩次（1997年8月18號同1998年8月17號）就取消咗。
2015年5月13號，中國國務院定咗嗰年9月3號放假一日[1]，嗰日香港政府都建議嗰年9月3號係公眾假期，重向立法會提交咗草案[2][3]，最後喺2015年7月9號通過咗。
澳門：每年9月3號
編輯
2015年7月3號，澳門行政會通過決議，訂咗嗰年9月3號係公眾假期[4]，重喺2015年7月13號正式實行。
韓國同
北韓：每年8月15號
編輯
1945年日本投降後時隔3年，由於南韓政府成立，喺1949年10月1號開始，光復日係南韓嘅公共假期，但北韓係叫「祖國光復節」。放假方面，南韓連同解放日一齊放，但北韓冇呢件事。
中華民國：每年9月3號
編輯
中華民國早期嘅軍人節有好多個版，主要按軍種而定。但直到民國44年（1955年），中華民國國防部統一咗各個軍種節日為每年9月3號，嗰日各個軍種都有慶祝活動。
越南：每年9月2號
編輯
由於日本政府喺越南獨立宣言講咗投降。所以越南獨立之後，越南政府定咗每年9月2號係抗戰勝利日兼國慶節。嗰日越南街頭嘅舖頭都有寫住「Đường 2 tháng 9」嘅字樣。
有關 編輯
註 編輯
- ↑ 国务院关于中国人民抗日战争暨世界反法西斯战争胜利70周年纪念日调休放假的通知
- ↑ 〈政府建議將二〇一五年九月三日訂為一次過的公眾假期及法定假日〉. 香港政府新聞公報. 2015-05-13. 喺2015-05-13搵到.
- ↑ 〈政府擬增抗戰勝利紀念日假 議員料爭議少〉. 无线新闻. 2015-05-13. 喺2015-05-13搵到.
- ↑ 〈行政會完成討論《訂定中國人民抗日戰爭暨世界反法西斯戰爭勝利七十周年紀念日為強制性假日》法律草案〉. 澳門新聞局. 2015-07-03. 原著喺2015-09-24歸檔. 喺2015-07-05搵到.