排 (地貌)

排，海上地貌一種，欄住洋面水道，大多數為礁，橫喺水中，又或岸邊大石，一排伸入海中。海面之上，或現或沉，有明有暗。排多數唔會好大，但有啲會成個洲咁，故此又無一定。

龍山排有數石現出水面

排字以珠江口一帶海面至為常見，尤其今下江門、珠海、香港、深圳同惠州，而廣州、中山、澳門有啲。然而東邊都有，遠至潮州、汕頭、汕尾，西邊就去到陽江、茂名同湛江。可見同廣東水上人淵源好深。

水上人有謂排口，排一帶魚棲息之處。唔同類嘅排口，可判定捉到邊啲魚。