政治迫害

政治迫害係一種迫害，指獨裁者或政黨基於政治（維持統治、獲得或鞏固權力）嘅目的同利益，對威脅或疑似威脅佢執政地位嘅個人、團體同埋其他黨派，利用國家機器不擇手段咁進行迫害。

形式

• 喺個人層面：肉體上毀滅，傷害，限制人身自由同埋其他合法權利，恐嚇，人格上詆毀，道義上誹謗等；
• 喺組織層面：組織上瓦解、經濟上制裁，阻撓佢哋嘅活動等。
• 非特定組織：集體屠殺。

例子

留意被指控嘅政權往往唔會承認自己進行緊政治迫害，所以以下清單對部分讀者嚟講會有爭議。

以往嘅例子

• 新加坡：部分觀點認為，新加坡政府對於一啲反對派人士進行政治逼害。
  • 余澎杉就被美國政府視為新加坡政治逼害嘅受害者。而余澎杉去到2017年就得到美國政府嘅政治庇護。
  • 另外有啲觀點認為冷藏行動係當時總理李光耀對反對派嘅政治打壓，但李光耀就話係為咗防止共產黨控制公共機構，係出於國家安全嘅考慮。
• 蘇聯：古拉格 (1918年至1953年，但秘密警察等其他手段仍然存在)

現存嘅例子

• 中國
  • 新疆地區：維吾爾族種族滅絕
  • 香港地區：主要係通過未經香港人同意或諮詢，強行訂立嘅《香港國安法》去對泛民主派進行唔同嘅政治檢控同迫害（例：蘋果日報同壹週刊停刊事件、針對2020年香港民主派初選嘅檢控同拘捕），同埋強行通過『完善選舉法案』，大幅度壓縮泛民主派參政嘅空間。

睇埋

• 持唔同政見者
• 人權
• 國家安全
• 警察國家
• 屠殺、肅清
• 秘密警察
• 司法迫害
• 宗教迫害